91693

སངས་རྒྱས་རང་སྣང་ལ་སྐྱེ་འགག་དང་བྲལ་བའི་ཚུལ་ (1)

Part of speech	མིང་ཚིག
Definition	མདོ། དབུ་མ། སངས་རྒྱས་ཀྱི་ཡེ་ཤེས་དང་། དེའི་རང་སྣང་ལ་སྐྱེ་འགག་མེད་དེ། མདོ་ལས། འཇམ་དཔལ་སྐྱེ་བ་མེད་ཅིང་འགག་པ་མེད་པ་ཞེས་བྱ་བ་འདི་ནི་དེ་བཞིན་གཤེགས་པའི་ཚིག་བླ་དྭགས་སོ། །ཞེས་དང། ཀླུ་སྒྲུབ་ཀྱིས། གང་གིས་སྐྱེ་དང་འཇིག་པ་དག། །ཚུལ་འདི་ཡིས་ནི་སྤངས་གྱུར་པ་ཞེས་སོགས་དང། འཇུག་པར། དེ་ཚེ་སྐྱེ་བ་མེད་ཅིང་འགག་པ་མེད། །ཅེས་པའི་འགྲེལ་པར། ཡེ་ཤེས་ཀྱི་རང་བཞིན་ཅན་གྱི་སྐུ་ཤེས་བྱའི་བུད་ཤིང་སྐམ་པོ་མ་ལུས་པ་བསྲེགས་པ་ལས་ཤེས་བྱ་སྐྱེ་བ་མེད་པས་སྐྱེ་བ་མེད་པ་དང་ལྡན་པར་གྱུར་པ་གང་ཡིན་པ་འདི་ནི་སངས་རྒྱས་རྣམས་ཀྱི་ཆོས་ཀྱི་སྐུའོ། །ཞེས་སོགས་མང་དུ་གསུངས་པའི་ཕྱིར་རོ། །གདུལ་བྱའི་ངོར་སྐྱེ་འགག་ཏུ་སྣང་བ་ནི་གཞན་སྣང་ཡིན་གྱི་རང་སྣང་མ་ཡིན་ནོ། །ཞེས་ཀུན་མཁྱེན་གོ་རམས་པའི་དབུ་མ་སྤྱི་དོན་ལས་གསུངས་སོ། ། ཡུལ་སྐྱེ་མེད་མངོན་སུམ་དུ་རྟོགས་པའི་ཚེ་ཡུལ་ཅན་ཡེ་ཤེས་སྐྱེ་བར་བཤད་པ་ནི་གཞན་ངོར་ཡིན་ལ་གཞན་ངོར་ནི་དོན་དམ་པར་སྐྱེ་བ་དང་ཐ་སྙད་དུ་སྐྱེ་བ་གཉིས་ཀ་ཡོད་དོ། །མ་སྐྱེས་པར་བཤད་པ་རྣམས་ནི་རང་ངོར་ཏེ་རང་ངོ་རྣམས་ནི་ཐ་སྙད་དང་དོན་དམ་གང་དུ་ཡང་སྐྱེ་བ་མེད་དོ། །ཞེས་ཀུན་མཁྱེན་གོ་རམས་པའི་འཇུག་པའི་དཀའ་འགྲེལ་ལས་གསུངས་སོ། །
Domain	ཆོས་ལུགས།