91700

སངས་རྒྱས་རྒྱུན་གྱི་ཏིང་ངེ་འཛིན་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། ཏིང་ངེ་འཛིན་འདི་ཉིད་མདོ་དགོངས་པ་འདུས་པར་མཚན་བཅས་གཅིག་ཆར་བའི་ཏིང་ངེ་འཛིན་གྱི་ཁོངས་གཏོགས་ཆོས་རྒྱུན་ཆེན་པོའི་ཏིང་འཛིན་གྱི་ནང་གསེས་སུ་གསུངས་པ་སྟེ། མདོ་འགྲེལ་མུན་པའི་གོ་ཆ་ལས། སངས་རྒྱས་བསྒོམ་པ་རྒྱུན་གྱི་ཏིང་ངེ་འཛིན་ནི། ཀུན་གྱི་དེ་བཞིན་ཉིད་དབྱིངས་ལས། །ཞེས་པ་དག་སྟེ་ཆོས་སོ་ཅོག་དེ་ཁོ་ན་ཉིད་ཀྱི་ཕྱིར་འགྲོ་དྲུག་རིལ་མཐའ་གཉིས་ངང་གིས་བྲལ་བའི་སངས་རྒྱས་སྙིང་པོར་ཆོས་སྐུ་ཆེན་པོར་སུས་ཀྱང་མ་བྱས་བྱས་པ་མེད་པར་རང་ཤར་བ་ལ། དུས་གསུམ་རྒྱུན་མེད་མི་འཆད་པར་མཇལ་བ་ཉིད་དོ། །ཞེས་པ་ལྟར། གཟི་ལྡན་འཆར་ཁའི་འོད་སྣང་ལས། ཆོས་སོ་ཅོག་ཀུན་གྱི་རང་བཞིན་དེ་ཁོ་ན་ཉིད་ཀྱི་ཆོས་ཉིད་དེ་བཞིན་ཉིད་ཀྱི་དབྱིངས་སུ་ངེས་པའི་ཕྱིར། ངང་ལས་ཤར་བའི་འགྲོ་བ་རིགས་དྲུག་གི་སེམས་ཅན་ཐམས་ཅད་མཐའ་གཉིས་ངང་གིས་བྲལ་བའི་ཕྱིར་སངས་རྒྱས་ཀྱི་སྙིང་པོ་ཆོས་སྐུ་ཆེན་པོར་སུས་ཀྱང་མ་བྱས་བྱས་པ་མེད་པར་རང་ཤར་བ་ལ་འགྲོ་བ་གང་ཞིག་བསམ་གྱིས་མི་ཁྱབ་པ་ཀུན་ཀྱང་རང་བྱུང་དོན་གྱི་སངས་རྒྱས་སྒོམ་པ་རྒྱུན་གྱི་ཏིང་འཛིན་དམ་པར་དུས་གསུམ་དུ་རྒྱུན་མི་འཆད་པ་ཉིད་དུ་མཇལ་བའོ། །ཞེས་གསུངས་སོ། །
Domain	ཆོས་ལུགས།