91718

སངས་རྒྱས་རྣམས་ཀྱི་མཉམ་མི་མཉམ་ (1)

Part of speech	མིང་ཚིག
Definition	མདོ། མངོན་པ། སངས་རྒྱས་ཐམས་ཅད་རྣམ་པ་ཐམས་ཅད་ཀྱིས་མཉམ་པ་ཡིན་ནམ་ཞེ་ན། སངས་རྒྱས་ཐམས་ཅད་ནི་རྒྱུ་སྔོན་གྱི་བསོད་ནམས་དང་ཡེ་ཤེས་ཀྱི་ཚོགས་རྫོགས་པས་ཡང་དག་པར་འགྲུབ་པ་དང་། འབྲས་བུ་ཟག་མེད་ཀྱི་ཆོས་ཀྱི་རྒྱུན་གྱི་ཚོགས་སམ་སེམས་གནས་གྱུར་པ་ཆོས་ཀྱི་སྐུ་འགྲུབ་པ་དང་། ཕྲིན་ལས་འགྲོ་བའི་མཐོ་རིས་དང་བྱང་གྲོལ་གྱི་དོན་སྒྲུབ་པར་སྤྱོད་པའི་རྒྱུ་ཐུགས་རྗེ་ཆེན་པོ་ཐོབ་པ་གསུམ་གྱིས་ནི་མཉམ་པ་ཉིད་དེ། སྐུ་ཚེ་དང་རིགས་དང་གདུང་དང་སྐུའི་བོངས་ཚོད་ཀྱིས་ནི་མཉམ་པ་མིན་ཏེ། སྐྱེ་དགུ་རྣམས་ཀྱི་ཚེ་རིང་བ་དང་ཐུང་བ་དང་། འཇིག་རྟེན་ན་རྒྱལ་རིགས་དང་བྲམ་ཟེ་གང་བཀུར་བ་དང་། གདུང་འོད་སྲུང་དང་གོའུ་ཏ་མ་ལ་སོགས་པ་གང་བཀུར་བ་དང་། འཇིག་རྟེན་པ་ལུས་བོངས་ཚོད་ཆེ་བ་དང་ཆུང་བའི་ཚེ་དུས་ཇི་ལྟ་བ་བཞིན་དུ་སངས་རྒྱས་རྣམས་ཀྱང་སྐུ་ཚེ་དང་རིགས་དང་གདུང་དང་སྐུའི་བོངས་ཚོད་རྣམས་དེ་དག་དང་མཐུན་པར་སྟོན་པས་ཁྱད་པར་ཡོད་པའི་ཕྱིར་རོ་ཞེས་བཞེད་དོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།