91732

སངས་རྒྱས་སའི་ཤེས་པ་ (1)

Part of speech	མིང་ཚིག
Definition	མདོ། དབུ་མ། ཤེས་པ་རིག་པ་སྔ་མའི་འབྲས་བུ་ཡིན་གྱི་མ་རིག་རྒྱུན་ཅན་མ་ཡིན་ལ། རྒྱུན་མཐའི་ཡེ་ཤེས་ཀྱིས་ཀྱང་མ་རིག་པ་སྤོང་གི་ཤེས་པ་སྤང་བ་མ་ཡིན་པའི་ཕྱིར། སངས་རྒྱས་ཀྱི་ས་ན་ཤེས་པ་ཡོད་པར་རིགས་པ་བྱའོ། །ཆོས་དབྱིངས་བསྟོད་པ་ལས། ཇི་ལྟར་འོ་མ་དང་འདྲེས་ཆུ། །སྐད་གཅིག་ན་ནི་གནས་པ་ལས། །ངང་པས་འོ་མ་འཐུང་བྱེད་ཅིང་། །ཆུ་ནི་མ་ཡིན་དེ་བཞིན་གནས། །དེ་བཞིན་ཉོན་མོངས་ཀྱིས་གཡོགས་ནས། །ཡེ་ཤེས་ལུས་འདི་གཅིག་ནས་ཀྱང་། །རྣལ་འབྱོར་པ་ཡིས་ཡེ་ཤེས་གནས། །མི་ཤེས་པ་ནི་འདོར་བར་བྱེད། །ཅེས་སོགས་དང། གཞན་ཡང་སངས་རྒྱས་ཀྱི་ས་ན་ཤེས་པ་ཡོད་པར་མངོན་ཏེ། ཤེས་པ་ཐམས་ཅད་ཀྱི་མཐར་ཐུག་པ་རྣམ་པ་ཐམས་ཅད་མཁྱེན་པ་ཉིད་ཡིན་པའི་ཕྱིར། ཤེས་པ་ཉིད་ཡོད་པར་མངོན་ཏེ། བཞི་འགྲེལ་ལས། རིགས་ཀྱི་ཕུལ་དུ་བྱུང་བ་བྲམ་ཟེ་ལ་ཐུག་པ་དང་། སྐྱེ་གནས་ཀྱི་ཕུལ་དུ་བྱུང་བ་འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ལ་ཐུག་པ་དང་། རིའི་ཕུལ་དུ་བྱུང་བ་ལྷུན་པོ་ལ་ཐུག་པ་དང། རྒྱལ་པོའི་ཕུལ་དུ་བྱུང་བ་འཁོར་ལོ་སྒྱུར་བ་ལ་ཐུག་པ་དེ་བཞིན་དུ་ཤེས་པའི་ཕུལ་དུ་བྱུང་བ་རྣམ་པ་ཐམས་ཅད་མཁྱེན་པ་ཉིད་ཀྱི་མཐར་ཐུག་པ་འབྱུང་བར་འགྱུར་རོ། །ཞེས་ཀུན་མཁྱེན་རོང་སྟོན་གྱིས་དབུ་འཇུག་རྣམ་བཤད་ལས་གསུངས་སོ། །
Domain	ཆོས་ལུགས།