91949

སའི་ཡོན་ཏན་གྱི་ཁྱད་པར་ (1)

Part of speech	མིང་ཚིག
Definition	སྔགས། རྣལ་འབྱོར་བླ་མེད་རྒྱུད། དུས་འཁོར་སྦྱོར་དྲུག ཇོ་ནང་། ས་དང་པོ་ལ་ཕྱོགས་བཅུའི་འཇིག་རྟེན་གྱི་ཁམས་གཅིག་གི་མ་མཐོང་བའི་དོན་ཡང་དག་པར་མཐོང་བ་དང་། དེ་བཞིན་དུ་གཉིས་པ་ལ་གཉིས་དང་། གསུམ་པ་ལ་བཞི་དང་། བཞི་པ་ལ་བརྒྱད་དང་། ལྔ་པ་ལ་བཅུ་དྲུག་དང་། དྲུག་པ་ལ་སོ་གཉིས་དང་། བདུན་པ་ལ་དྲུག་ཅུ་རེ་བཞི་དང་། བརྒྱད་པ་ལ་བརྒྱ་ཉེར་བརྒྱད་དང་། དགུ་པ་ལ་ཉིས་བརྒྱ་ལྔ་བཅུ་ང་དྲུག་དང་། བཅུ་པ་ལ་ལྔ་བརྒྱ་གཉིས་དང་། ས་བཅུ་གཅིག་པ་ལ་ཕྱོགས་བཅུའི་འཇིག་རྟེན་ཁམས་སྟོང་དང་ཉེར་བཞིའི་སྔར་མ་མཐོང་བའི་དོན་ཡང་དག་པར་མཐོང་ནས། ས་བཅུ་གཉིས་པ་ལ་ནི་མཐའ་ཡས་པར་བཤད་དེ། སྔར་མ་མཐོང་བའི་དོན་ཞེས་བྱ་བ་ཡང་རང་གི་མཉམ་གཞག་གི་གསལ་སྣང་ལ་ཚད་དེ་དང་དེ་ཚུན་ཆད་ལ་སྣང་བ་སྒྱུ་མ་ལྟ་བུ་དང་། རང་བཞིན་སྤྲོས་བྲལ་དུ་འཆར་ཞིང་། དེ་དང་དེ་ཕན་ཆད་ནི་ཤེས་པའིི་འཇུག་པ་མི་གསལ་བའོ། །རྗེས་ཐོབ་ཏུ་ནི་མཉམ་གཞག་དེའི་ཤུགས་ལས་ཐོབ་པའི་ཡོན་ཏན་འཇིག་རྟེན་གྱི་ཁམས་དེ་དང་དེ་ཚུན་ཆད་ཀྱི་སྣོད་ཀྱི་འཇིག་རྟེན་དང་འགྲོ་བའི་སྤྱོད་ཚུལ་རགས་པ་རྣམས་ཤེས་པར་ནུས་པ་སྟེ། དེ་ཡང་ཡེ་ཤེས་གཅིག་གིས་དུས་གཅིག་ཅར་རྟོགས་པར་མ་ངེས་ཀྱང་རིམ་པས་བསམས་ནས་ཤེས་པའོ། །
Domain	ཆོས་ལུགས།