92575

སེ་ཡབ་ (1)

Part of speech

མིང་ཚིག

Definition

ཀ་བེད་ཀྱི་རིགས་ཤིག་སྟེ། རྒྱ་ནག་སྐད་དུ་མུ་བཀྭའ་ཞེས་འབོད་པ་སྟེ། བོད་ཀྱི་རྫ་ཡུལ་དང་། སྤོ་བོ། ཉིང་ཁྲི་སོགས་ཀྱི་སྨི་ ༢༤༠༠ མན་གྱི་ས་ཆའི་ཤིང་གསེབ་ཏུ་སྐྱེ་བ་དང་། འདེབས་འཛུགས་ཀྱང་བྱེད་ཆོག ཤིང་ཕུང་གི་མཐོ་ཚད་སྨི༢། ༤ཙམ་ཟིན་པ་ལ། ཡལ་ག་ཁམ་ནག་ཚེར་མ་ཅན། དཔྱིད་དུས་ཐོག་མར་མེ་ཏོག་བཞད་པ་སྟེ། ལོ་གཉིས་སོན་པའི་ཡལ་ག་རྙིང་པར་མེ་ཏོག་བཞི་ལྔ་ཙམ་ཚོམ་བུར་བཞད་པ། མེ་ཏོག་ཟིང་དཀར་དང་། ཟིང་དམར། འགའ་རེ་དཀར་པོ་ཅི་རིགས་ལ་ཟེའུ་འབྲུ་སེར་པོ་འདབ་མ་ལྔ་ཅན། མདངས་གསལ་ཞིང་མཛེས་པ་ཤར་རྗེས་རིམ་བཞིན་ལོ་མ་རྒྱས་པ་སྟེ། ལོ་མ་ལྗང་གུ་རྒྱབ་ལྗང་སྐྱ་ཅན་མཐར་སོག་ལེ་ཁ་ཡོད་པ་རེས་མོས་སྐྱེ་བ། འབྲས་བུ་སྒོང་དབྱིབས་བྱིས་པའི་ཁུ་ཚུར་ཙམ་ཁ་དོག་སེར་པོ་དང་། ལྗང་སེར་ཅི་རིགས། རོ་ཤིན་ཏུ་སྐྱུར་བ་ཞིག་གོ ། སྨན་དུ་སྦྱར་བྱ་ནི་འབྲས་བུ། རོ་སྐྱུར། ནུས་པས་བད་ཀན་ཚ་བ་སེལ། སྨུག་པོའི་གཟེར་ཟུག་འཇོམས། རྣ་བའི་ནད་ལ་ཕན།

{{#arraymap:སེ་ཡབ་

|; |@@@ | | }}