92585

སེ་ར་ལྷ་རམས་པའི་འཛིན་གྲྭ་རིམ་པ་བཅུ་བཞི་ (1)

Part of speech	མིང་ཚིག
Definition	༡ བསྡུས་གྲྭའི་འཛིན་གྲྭ་ལོ་གཅིག ༢ གཞུང་གསར་པའི་འཛིན་གྲྭ་ལོ་གཅིག ༣ གཞུང་རྙིང་པའི་འཛིན་གྲྭ་ལོ་གཅིག ༤ གཞུང་གོང་མའི་འཛིན་གྲྭ་ལོ་གཅིག ༥ སྐབས་གཉིས་པའི་འཛིན་གྲྭ་ལོ་གཅིག ༦ སྐབས་བཞི་པའི་འཛིན་གྲྭ་ལོ་གཅིག ༧ ཟུར་བཀོལ་གྱི་འཛིན་གྲྭ་ལོ་གཅིག ༨ དབུ་མ་གསར་པའི་འཛིན་གྲྭ་ལོ་གཅིག ༩ དབུ་མ་རྙིང་པའི་འཛིན་གྲྭ་ལོ་གཅིག ༡༠ འདུལ་བ་གསར་པའི་འཛིན་གྲྭ་ལོ་གཅིག ༡༡ འདུལ་བ་རྙིང་པའི་འཛིན་གྲྭ་ལོ་གཅིག ༡༢ མཛོད་དང་པོའམ་གསར་པའི་འཛིན་གྲྭ་ལོ་གཉིས། ༡༣ མཛོད་རྙིང་པའི་འཛིན་གྲྭ་ལོ་གཉིས། ༡༤ དཀའ་རམས་འཛིན་གྲྭ་ལོ་གསུམ་བཅས། ཡང་འཛིན་གྲྭ་བཅོ་ལྔ་ཡིན་ན་བསྡུས་གྲྭ་ལ་འཛིན་གྲྭ་གསུམ་བྱས་ཏེ། བསྡུས་ཆུང་། བསྡུས་འབྲིང་། བསྡུས་ཆེན་བཅས་ཕྱེ་ནས་རྣམ་འགྲེལ་ལ་འཛིན་གྲྭ་ལོགས་སུ་ཡོད་པ་གཅིག་དང་ལོགས་སུ་མེད་པར་བསྡུས་ཆེན་སྐབས་རྣམ་འགྲེལ་སློབ་སྦྱོང་བྱེད་སྲོལ་ཡང་ཡོད། དཀའ་རམས་འཛིན་གྲྭར་ལོ་གསུམ་སྡོད་རིང་གཙོ་བོར་མཛོད་ལ་སློབ་སྦྱོང་ཐོག་སྔར་བལྟས་ཟིན་པའི་དབུ་མ་ཕར་ཕྱིན་སོགས་ལ་བསྐྱར་སྦྱོང་བྱས་ནས་ལོ་གསུམ་པའི་དགེ་བཤེས་ཀྱི་མིང་ཐོག་མར་བཏགས། དེ་ནས་དགེ་བཤེས་ལྷ་རམས་པའི་དམ་བཅའ་ཞེས་སོ་སོའི་འཛིན་གྲྭ་ནང་བཟུང་འཛིན་གྲྭ་ཡོངས་རྫོགས་ལ་དམ་བཅའ་ཉིན་འཁྱོངས་བཞི་དང་མཚན་འཁྱོངས་བཞི་བཞག དེ་ནས་ལྷ་ས་སྨོན་ལམ་ཆེན་མོར་དམ་བཅའ་ཉིན་མཚན་གཉིས་བཞག་ནས་ལྷ་རམས་ཐོབ་པ། དེ་ནས་རྒྱུད་གྲྭ་སྟོད་སྨད་ལ་འགྲོ།
Domain	སློབ་གསོ།