92722

སེམས་ཀུན་གནས་ཀྱི་རྩེ་སྦྱོར་ (1)

Part of speech	མིང་ཚིག
Definition	མདོ། ཕར་ཕྱིན། མཚན་ཉིད་ནི། བསོད་ནམས་མང་པོས་མཚོན་ནས་བསྟན་པའི་རྩེ་སྦྱོར་གྱི་ཏིང་ངེ་འཛིན་ཐོབ་པའི་སེམས་དཔའི་རྣལ་འབྱོར་རོ། །ས་མཚམས་ནི། ཐེག་ཆེན་གྱི་ཆོས་མཆོག་ནས་རྒྱུན་མཐའི་བར་ན་ཡོད་དོ་ཞེས་ཀུན་མཁྱེན་གོ་རམས་པའི་སྦས་དོན་རབ་གསལ་ལས་སོ། ། སེམས་ཀུན་ཏུ་གནས་པ་ཡིན་ཏེ། ཏིང་ངེ་འཛིན་གྱི་མཚན་ཉིད་ཅན་ཡིན་པའི་ཕྱིར། འདི་ཇི་ལྟར་བརྗོད་ཅེ་ན། བསོད་ནམས་དང་ཡེ་ཤེས་ཀྱི་ཚོགས་མང་པོ་དང་ལྡན་པ་ཉིད་ཀྱི་སྒོ་ནས་སོ། །ཚོགས་གཉིས་གང་ཞེ་ན། ཕ་རོལ་ཏུ་ཕྱིན་པ་ལ་སོགས་པ་ཐམས་ཅད་ཀྱི་ངོ་བོ་ཉིད་ཀྱི་ཏིང་ངེ་འཛིན་གྱི་བསོད་ནམས་དང་ཡེ་ཤེས་ཀྱི་ཚོགས་སོ། །བསོད་ནམས་མང་བར་ཇི་ལྟར་ཤེས་པར་བྱ་ཞེ་ན། གླིང་བཞི་པ་ལ་སོགས་པའི་འཇིག་རྟེན་གྱི་ཁམས་རྣམས་ཀྱི་ས་རྡོའི་སྲང་གྲངས་དང་ཆུ་ཐིགས་ཀྱི་གྲངས་སོ་སོར་དཔེར་མཛད་ནས་དེ་དག་ལས་ཆེས་ཆེར་ཁྱད་པར་དུ་འཕགས་ཤིང་མང་བར་བསྟན་པའི་ཚུལ་གྱིས་སོ། །ཅིའི་ཕྱིར་ཞེ་ན། ཚད་སྲིད་པའི་དངོས་པོ་ནི། སྲང་ཚད་ཀྱིས་གཞལ་བར་ནུས་ཞེས་བྱ་བའི་ཚུལ་གྱིས་སྟོང་གསུམ་གྱི་ཚད་བཟུང་བར་ནུས་ལ་ཚོགས་གཉིས་ཚད་ལས་འདས་པའི་ཕྱིར་རོ་ཞེས་ཀུན་མཁྱེན་རོང་སྟོན་གྱི་རྣམ་བཤད་ཚིག་དོན་རབ་གསལ་ལས་སོ། ། མདོ་ལས་རྗེས་སུ་ཡི་རང་གིས་མཚོན་པས་དངོས་སུ་བསྟན་པའི་བསྡུས་སྒོམ་རབ་ཏུ་གྱུར་པའི་སེམས་དཔའི་རྣལ་འབྱོར་དེ། སེམས་ཀུན་ཏུ་གནས་པའི་རྩེ་སྦྱོར་གྱི་མཚན་ཉིད། དེ་ནི་ཆོས་མཆོག་གི་རྩེ་སྦྱོར་དང་དོན་གཅིག་གོ་ཞེས་པཎ་ཆེན་ཤཱཀ་མཆོག་གྱི་རྒྱན་འགྲེལ་ལུང་དོན་རྒྱ་མཚོ་ལས་སོ། །
Domain	ཆོས་ལུགས།