92743

སེམས་ཀྱི་བསམ་པ་དག་པར་བྱ་བ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། སྡོམ་པ་སྤྱོད་པའི་གདམས་ངག་གསུམ་གྱི་ཡ་གྱལ་ཞིག་སྟེ། དེ་ལ་ཐུན་མོང་ཐུན་མིན་གྱི་སྦྱར་ཚུལ་གཉིས་ལས། དང་པོ་ཐུན་མོང་ལྟར་སྦྱར་ན། གཟི་ལྡན་འཆར་ཁའི་འོད་སྣང་ལས། སྒོ་གསུམ་གཡོ་སྒྱུ་མེད་པས་སེམས་ཀྱི་བསམ་པ་རང་བཞིན་དང་རྣམ་པ་གཉིས་ཀ་དག་པར་བྱའོ། །ཞེས་དང་གཉིས་པ་ཐུན་མིན་ལྟར་སྦྱར་ན། དྲན་རྟོག་ཐམས་ཅད་དོན་དམ་པར་དེ་བཞིན་ཉིད་རང་བྱུང་གི་ཡེ་ཤེས་སུ་ཤར་བས་ལོག་པར་མི་དམིགས་པ་བསམ་པ་དག་པ། ཞེས་གསུངས་སོ། །
Domain	ཆོས་ལུགས།