93036

སེམས་བསྐྱེད་པ་བཅུ་ (1)

Part of speech	མིང་ཚིག
Definition	དཀོན་བརྩེགས་འཕགས་པ་བློ་གྲོས་མི་ཟད་པས་ཞུས་པའི་མདོ་ལས་བྱུང་བ་སྟེ། རི་རབ་ཀྱི་ཚུལ་དུ་དགེ་བའི་རྩ་བ་ཐམས་ཅད་ཀྱིས་ཡང་དག་པར་འཕགས་པའི་སེམས་དང་པོ་སྐྱེ་སྟེ། དེ་ལ་རྒྱུ་ནི་སྦྱིན་པའི་ཕ་རོལ་ཏུ་ཕྱིན་པའོ། །སེམས་བསྐྱེད་པ་གཉིས་པ་ནི་ཆོས་ཐམས་ཅད་ཀྱི་བྱ་བའི་གནས་ཀྱི་ཚུལ་གྱིས་ས་ལྟ་བུར་བལྟ་སྟེ། དེ་ལ་རྒྱུ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སེམས་བསྐྱེད་པ་གསུམ་པ་ནི། འཇིགས་པ་མེད་པ་དང་། བག་ཚ་བ་མེད་པ་དང་། སྐྲག་པ་མེད་པའི་ཚུལ་གྱིས་རི་དྭགས་ཀྱི་རྒྱལ་པོ་སེང་གེ་རལ་པ་ཅན་གྱི་རྩལ་ལྟ་བུར་བལྟ་སྟེ། དེ་ལ་རྒྱུ་ནི་བཟོད་པའི་ཕ་རོལ་ཏུ་ཕྱིན་པའོ། །སེམས་བསྐྱེད་པ་བཞི་པ་ནི་ཕྱིར་མི་ལྡོག་པའི་ཚུལ་གྱིས་སྲེད་མེད་ཀྱི་བུའི་མཐུ་དང་། སྟོབས་དང་། ཤུགས་དང་། བརྩོན་འགྲུས་དང་། བརྟུལ་བ་ལྟ་བུར་བལྟ་སྟེ། དེ་ལ་རྒྱུ་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སེམས་བསྐྱེད་ལྔ་པ་ནི་བསོད་ནམས་ཀྱིས་ཆོག་མི་ཤེས་པའི་ཚུལ་གྱིས་དགེ་བ་སྣ་ཚོགས་ཀྱིས་ཡང་དག་པར་འཕགས་པ་ལྟ་བུར་བལྟ་སྟེ། དེ་ལ་རྒྱུ་ནི་བསམ་གཏན་གྱི་ཕ་རོལ་ཏུ་ཕྱིན་པའོ། །སེམས་བསྐྱེད་དྲུག་པ་ནི་མུན་ནག་ཆེན་པོ་སེལ་བའི་ཚུལ་གྱིས་ཉི་མའི་དཀྱིལ་འཁོར་འོད་གསལ་བ་ལྟ་བུར་བལྟ་སྟེ། དེ་ལ་རྒྱུ་ནི་ཤེས་རབ་ཀྱི་ཕ་རོལ་ཏུ་ཕྱིན་པའོ། །སེམས་བསྐྱེད་བདུན་པ་ནི་དེད་དཔོན་མཛོད་ཆེན་པོ་ཕྱུག་པ་ལྟར་འཁོར་བའི་འབྲོག་དགོན་པ་ལས་སྒྲོལ་པའི་ཚུལ་གྱིས་བསམ་པ་ཐམས་ཅད་ཡོངས་སུ་རྫོགས་པར་བྱེད་པས་ལེགས་པར་བརྒྱན་པར་བལྟ་སྟེ། དེ་ལ་རྒྱུ་ནི་ཐབས་མཁས་པའི་ཕ་རོལ་ཏུ་ཕྱིན་པའོ། །སེམས་བསྐྱེད་པ་བརྒྱད་པ་ནི་ཟླ་བ་ཉ་པའི་དཀྱིལ་འཁོར་རྣམ་པར་དག་པའི་དཔེའི་ཚུལ་གྱིས་སྒྲིབ་པ་ཐམས་ཅད་རྣམ་པར་དག་པ་ཡོངས་སུ་རྫོགས་པར་བལྟ་སྟེ། དེ་ལ་རྒྱུ་ནི་སྨོན་ལམ་གྱི་ཕ་རོལ་ཏུ་ཕྱིན་པའོ། །སེམས་བསྐྱེད་པ་དགུ་པ་ནི་སངས་རྒྱས་ཀྱི་ཞིང་ཡོངས་སུ་དག་པའི་སེམས་ཡོན་ཏན་གྱི་རྒྱན་བཀོད་པ་ཐམས་ཅད་ཀྱི་དཀྱིལ་འཁོར་གྱི་ཚུལ་གྱིས་བསམ་པ་ཡོངས་སུ་རྫོགས་པར་བྱེད་པར་བལྟ་སྟེ། དེ་ལ་རྒྱུ་ནི་སྟོབས་ཀྱི་ཕ་རོལ་ཏུ་ཕྱིན་པའོ། ། སེམས་བསྐྱེད་པ་བཅུ་པ་ནི་ཡོན་ཏན་དང་། ཡེ་ཤེས་དང་། ཆོས་ཐམས་ཅད་ལ་དབང་བསྒྱུར་བར་དབང་བསྐུར་བ་ཐོབ་པས་འཁོར་ལོས་བསྒྱུར་བའི་མཚན་གྱི་དཔེའི་ཚུལ་གྱིས་ནམ་མཁའ་དང་མཚུངས་པར་བལྟ་སྟེ། དེ་ལ་རྒྱུ་ནི་ཡེ་ཤེས་ཀྱི་ཕ་རོལ་ཏུ་ཕྱིན་པའོ། །
Domain	ཆོས་ལུགས།

{{#arraymap:སེམས་བསྐྱེད་པ་བཅུ་

|; |@@@ | | }}