93049

སེམས་བསྐྱེད་པ་རྣམ་པ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་སྟེ། ༡ འདི་ལྟར་འགྲོ་བ་ཐམས་ཅད་རབ་ཏུ་འགྲོལ་བར་བྱའོ་ཞེས་བྱང་ཆུབ་སེམས་དཔའ་སེམས་བསྐྱེད་དོ། །༢ སེམས་ཅན་ཐམས་ཅད་ཀྱི་ཉོན་མོངས་པ་བསལ་བར་བྱའོ་ཞེས་བྱང་ཆུབ་སེམས་དཔའ་སེམས་བསྐྱེད་དོ། །༣ བག་ཆགས་ཀྱི་མཚམས་འབྲེལ་བ་ཐམས་ཅད་སྤང་བར་བྱའོ་ཞེས་བྱང་ཆུབ་སེམས་དཔའ་སེམས་བསྐྱེད་དོ། །༤ ཆོས་ཐམས་ཅད་ལ་ཐེ་ཚོམ་མེད་པ་ཐོབ་པར་བྱའོ་ཞེས་བྱང་ཆུབ་སེམས་དཔའ་སེམས་བསྐྱེད་དོ། །༥ སེམས་ཅན་ཐམས་ཅད་ཀྱི་སྡུག་བསྔལ་ཀྱི་ཕུང་པོ་རབ་ཏུ་ཞི་བར་བྱའོ་ཞེས་བྱང་ཆུབ་སེམས་དཔའ་སེམས་བསྐྱེད་དོ། །༦ ངན་སོང་དང་མི་ཁོམ་པ་ཐམས་ཅད་གཅད་པར་བྱའོ་ཞེས་བྱང་ཆུབ་སེམས་དཔའ་སེམས་བསྐྱེད་དོ། །༧ དེ་བཞིན་གཤེགས་པ་ཐམས་ཅད་མཉེས་པར་བྱའོ་ཞེས་བྱང་ཆུབ་སེམས་དཔའ་སེམས་བསྐྱེད་དོ། །༨ བྱང་ཆུབ་སེམས་དཔའ་བསླབ་པ་ཐམས་ཅད་ལ་ནན་ཏན་ཏུ་བྱའོ་ཞེས་བྱང་ཆུབ་སེམས་དཔའ་སེམས་བསྐྱེད་དོ། །༩ སྐྲའི་སྦུབས་སུ་འཇུག་པ་ཐམས་ཅད་ཀྱང་མ་ལུས་པར་འགྲོ་བ་ཐམས་ཅད་དུ་སངས་རྒྱས་ཐམས་ཅད་བྱང་ཆུབ་ཏུ་འཚང་རྒྱ་བ་བསྟན་པར་བྱའོ་ཞེས་བྱང་ཆུབ་སེམས་དཔའ་སེམས་བསྐྱེད་དོ། །༡༠ འགྲོ་བ་མ་ལུས་པ་ཐམས་ཅད་ཀྱི་བསམ་པ་དང་། དབང་པོ་རབ་ཏུ་རྟོགས་པས་འཇིག་རྟེན་གྱི་ཁམས་ཐམས་ཅད་དུ་གྲགས་པར་བྱ་བར་ཆོས་ཀྱི་རྔ་བླ་ན་མེད་པ་བརྡུང་བར་བྱ་བྱའོ་ཞེས་བྱང་ཆུབ་སེམས་དཔའ་སེམས་བསྐྱེད་དོ། །
Domain	ཆོས་ལུགས།

{{#arraymap:སེམས་བསྐྱེད་པ་རྣམ་པ་བཅུ་

|; |@@@ | | }}

སེམས་བསྐྱེད་པ་རྣམ་པ་བཅུ་ (2)

Part of speech	མིང་ཚིག
Definition	དཀོན་མཆོག་ཏ་ལ་ལའི་གཟུངས་ཀྱི་མདོ་ལས་བྱུང་བ་སྟེ། ཕན་པར་བྱ་བའི་སེམས། བདེ་བར་བྱ་བའི་སེམས། སྙིང་བརྩེ་བའི་སེམས། མཉེན་པའི་སེམས། སྡུག་པའི་སེམས། ཕན་གདགས་པའི་སེམས། ཀུན་ཏུ་སྲུང་བའི་སེམས། སྙོམས་པའི་སེམས། སློབ་དཔོན་གྱི་སེམས། སྟོན་པའི་སེམས་སོ། །

{{#arraymap:སེམས་བསྐྱེད་པ་རྣམ་པ་བཅུ་

|; |@@@ | | }}

སེམས་བསྐྱེད་པ་རྣམ་པ་བཅུ་ (3)

Part of speech

མིང་ཚིག

Definition

རྣལ་འབྱོར་སྤྱོད་པའི་ས་རྣམ་པར་གཏན་ལ་དབབ་པ་བསྡུ་བ་ལས་བྱུང་བ་སྟེ། ༡ ཡང་དག་པར་བླང་བ་བརྡ་ལས་བྱུང་བ་ནི། བྱང་ཆུབ་སེམས་དཔའི་ཡང་དག་པ་ཉིད་དུ་སྐྱོན་མེད་པ་ལ་ཡང་མ་ཞུགས་པ་ཐམས་ཅད་ཀྱིའོ། །༢ ཆོས་ཉིད་ཀྱིས་ཐོབ་པ་ནི། བྱང་ཆུབ་སེམས་དཔའ་ཡང་དག་པ་ཉིད་དུ་སྐྱོན་མེད་པ་ལ་ཞུགས་པ་རྣམས་སོ། །༣ མ་ངེས་པ་ནི། ཉན་ཐོས་བྱང་ཆུབ་ཏུ་ཡོངས་སུ་འགྱུར་པ་རྣམས་ཀྱི་མ་ངེས་པ་ནི་དེའི་མ་ཡིན་པ་རྣམས་དང༌། དེའི་རིགས་ཅན་སེམས་བསྐྱེད་པ་ལས་ཕྱིར་ལྡོག་པའི་ཆོས་ཅན་རྣམས་ཀྱི་གང་ཡིན་པའོ། ། ༤ ངེས་པ་ནི། དེ་ལས་བཟློག་པ་ལས་རིག་པར་བྱའོ། །༥ ཡོངས་སུ་མ་དག་པ་ནི། འདི་ལྟར་འདི་ན་ལ་ལ་གཞན་གྱི་རྗེས་སུ་ཞུགས་པའམ། རྒྱལ་པོས་འཇིགས་པའམ། རྐུན་པོས་འཇིགས་པའམ། འཛིན་ཁྲིས་འཇིགས་པའམ། ཆུ་ཀླུང་གིས་འཇིགས་པའམ། འཚོ་བའི་ཕྱིར་རམ། རྙེད་པ་དང་བཀུར་སྟིའི་ཕྱིར་རམ། ཁ་གསག་དང༌། གཞོགས་སློང་གི་ཕྱིར་ངེས་པར་མ་བརྟགས། ཡོངས་སུ་མ་བརྟགས། གཟུ་ལུམས་སུ་སེམས་སྐྱེད་པར་བྱེད་པ་དང༌། དེ་ལྟ་བུ་དང་མཐུན་པར་སེམས་སྐྱེད་པར་བྱེད་པ་གང་ཡིན་པ་དེ་ནི་ཡོངས་སུ་མ་དག་པ་ཡིན་པར་རིག་པར་བྱའོ། ། ༦ ཡོངས་སུ་དག་པ་ནི། དེ་ལས་བཟློག་པ་ལས་རིག་པར་བྱའོ། །༧ སྟོབས་ཆུང་བ་ནི། འདི་ལྟར་འདི་ན་བྱང་ཆུབ་སེམས་དཔའ་ལ་ལ་སེམས་བསྐྱེད་པ་ལས་འདོད་ཆགས་དང་ཞེ་སྡང་དང༌། གཏི་མུག་གིས་ཀུན་ནས་དཀྲིས་པ་དག་གིས་ཟིལ་གྱིས་གནོན་པར་བྱེད་ཅིང༌། ཡང་དག་པའི་སྒྲུབ་པ་ལས་རབ་ཏུ་ཉམས་པར་བྱས་ནས། ལོག་པའི་སྒྲུབ་པ་ལ་ཀུན་དུ་སྦྱོར་བར་བྱེད་པའོ། ། ༨ སྟོབས་དང་ལྡན་པ་ནི། དེ་ལས་བཟློག་པ་ལས་རིག་པར་བྱའོ། །༩ འབྲས་བུ་ཡོངས་སུ་མ་གྲུབ་པ་ནི། མོས་པས་སྤྱོད་པའི་ས་ནས་བཟུང་སྟེ། ས་བཅུ་པའི་བར་གྱིའོ། །༡༠ འབྲས་བུ་ཡོངས་སུ་གྲུབ་པ་ནི། དེ་བཞིན་གཤེགས་པའི་ས་ལ་སྟེ། བཅོམ་ལྡན་འདས་ཀྱིས་ང་ནི་དཀའ་བ་སྤྱོད་པ་དེ་ལས་ཐར་ཅིང༌། བདག་ཉིད་ཀྱི་ཡང་དག་པའི་སྨོན་ལམ་དང༌། བྱང་ཆུབ་དམ་པ་ཡང་ཐོབ་པ་ཡིན་ནོ་ཞེས་ཇི་སྐད་གསུངས་པ་ལྟ་བུའོ། །

{{#arraymap:སེམས་བསྐྱེད་པ་རྣམ་པ་བཅུ་

|; |@@@ | | }}