93096

སེམས་ཙམ་པའི་འདོད་ཚུལ་གྱི་རང་རྒྱལ་ (1)

Part of speech	མིང་ཚིག
Definition	མདོ། ཕར་ཕྱིན། འདི་ལྟར་ལ་ལ་རང་སངས་རྒྱས་ཀྱི་རིགས་ལ་གནས་ནས་བསྐལ་པ་བརྒྱར་སངས་རྒྱས་འབྱུང་བ་མཉེས་པར་བྱེད་ཅིང་། རང་བྱང་ཆུབ་ཏུ་རྒྱུད་ཡོངས་སུ་སྨིན་པར་བྱས་ནས་ཕྱི་མ་ལ་རང་བྱང་ཆུབ་པར་བྱ་བའི་ཕྱིར། ཕུང་པོ་ལ་སོགས་མཁས་པར་བྱ་བའི་དངོས་པོ་དྲུག་ལ་མཁས་པར་བྱེད་པ་ནི་རང་སངས་རྒྱས་ཀྱི་ལམ་དང་པོའོ། །ཡང་ལ་ལ་བསྐལ་པ་བརྒྱར་སངས་རྒྱས་འབྱུང་བ་མཉེས་པར་བྱས་ནས། སྐྱེས་བུ་དམ་པ་ལ་རྟེན་པའམ་དམ་པའི་ཆོས་ཉན་པ་དང་ཚུལ་བཞིན་དུ་ཡིད་ལ་བྱེད་པ་ལ་བརྟེན་ནས་བཟོད་འབྲིང་མན་ཆད་སློབ་དཔོན་གྱི་དྲུང་དུ་བསྐྱེད་ཅིང་། ཚེ་འདི་ཉིད་ལ་བདེན་པ་མཐོང་བར་མ་ནུས་པས་ཕྱི་མ་ལ་བདེན་པ་རྟོགས་པར་བྱ་བ་དང་། དགེ་སྦྱོང་གི་འབྲས་བུ་ཐོབ་པར་བྱ་བའི་ཕྱིར་ཕུང་པོ་སོགས་དྲུག་ལ་མཁས་པར་བྱེད་པ་ནི་ལམ་གཉིས་པའོ། །ཡང་འདི་ན་ལ་ལ་བསྐལ་པ་བརྒྱར་སངས་རྒྱས་འབྱུང་བ་རྣམས་མཉེས་པ་སོགས་བྱས་ནས་ཚེ་འདིར་རྒྱུན་ཞུགས་སམ་ཕྱིར་འོང་གི་འབྲས་བུ་ཐོབ་ནས་ཚེ་འདི་ཉིད་ལ་དགྲ་བཅོམ་པའི་འབྲས་བུ་ཐོབ་པར་མ་ནུས་པས་ཕྱི་མ་ལ་ཕྱིར་མི་འོང་དང་། དགྲ་བཅོམ་པའི་འབྲས་བུ་ཐོབ་པའི་ཕྱིར་དུ་ཕུང་སོགས་དྲུག་ལ་མཁས་པར་བྱེད་པ་ནི་ལམ་གསུམ་པའོ། །གཉིས་པ་ནི། སྔར་གྱི་རྒྱུ་དང་རྐྱེན་དེ་ལ་བརྟེན་ནས་སྲིད་པ་ཐ་མ་པའི་དུས་སུ་སངས་རྒྱས་འབྱུང་བ་མེད་པ་ན་སློབ་དཔོན་ལ་མ་ལྟོས་པར་བྱང་ཆུབ་ཀྱི་ཕྱོགས་ཀྱི་ཆོས་ལྷག་མ་རྣམས་བསྒོམས་ནས་རང་བྱང་ཆུབ་ཏུ་སངས་རྒྱས་ཏེ་ཉོན་མོངས་པ་སྤངས་པའི་དགྲ་བཅོམ་པ་མངོན་དུ་བྱེད་དོ། །མཛོད་ལྟར་བསམ་གཏན་བཞི་པ་ལ་བརྟེན་པ་དང་། སྟན་ཐོག་གཅིག་ལ་མངོན་དུ་བྱེད་པ་ནི་མ་བཤད་དོ། །ཞེས་དང། དེ་ལ་ཡང་དག་པར་འགྲུབ་པ་དང་པོས་ནི་བསེ་རུ་ལྟ་བུར་གྱུར་པའི་རང་སངས་རྒྱས་སུ་འགྱུར་ལ། ལམ་གཉིས་པ་དང་གསུམ་པས་ནི་ཚོགས་ན་སྤྱོད་པའི་རང་རྒྱལ་བར་འགྱུར་རོ། །ཞེས་ཀུན་མཁྱེན་རོང་སྟོན་ཆེན་པོའི་རྣམ་བཤད་ཚིག་དོན་རབ་གསལ་ལས་སོ། །
Domain	ཆོས་ལུགས།

{{#arraymap:སེམས་ཙམ་པའི་འདོད་ཚུལ་གྱི་རང་རྒྱལ་

|; |@@@ | | }}