93113

སེམས་ཙམ་ལུགས་ཀྱི་རྟེན་འབྲེལ་ཟབ་པའི་ཚུལ་ལྔ་ (1)

Part of speech	མིང་ཚིག
Definition	ཕྱི་ནང་གི་རྟེན་ཅིང་འབྲེལ་བར་འབྱུང་བ་འདི་དག་ཆོས་ཅན། རྒྱུས་ཟབ་པ་ཡིན་ཏེ། བྱེད་པ་པོ་མེད་པ་དང་རྒྱུ་དང་བཅས་པའི་དོན་གཉིས་ཀྱིས་རྒྱུ་མེད་པ་དང་། མི་མཐུན་པའི་རྒྱུ་ལས་བྱུང་བ་སྤངས་པའི་ཕྱིར། རང་གི་མཚན་ཉིད་ཀྱིས་ཟབ་སྟེ། བདག་ཏུ་སྣང་ཡང་བདག་ཏུ་མེད་པའི་དོན་ཅན་ཡིན་པའི་ཕྱིར། སྐྱེ་བས་ཟབ་པ་ཡིན་ཏེ། གཞན་གྱི་དབང་དང་སྐྱེ་བ་མེད་པའི་དོན་གཉིས་ཀྱིས་རྐྱེན་རྣམས་ལས་འབྲས་བུ་འབྱུང་ཡང་དེ་དག་གི་བློ་སྔོན་དུ་བཏང་ནས་མ་བྱས་པའི་ཕྱིར་རོ། །གནས་པས་ཟབ་པ་ཡིན་ཏེ། མི་རྟག་པ་དང་སྐད་ཅིག་མའི་དོན་གཉིས་ཀྱིས་དོན་དམ་པར་གནས་པ་མེད་བཞིན་དུ་ཐ་སྙད་དུ་རྒྱུན་གནས་པར་སྣང་བ་ཡིན་པའི་ཕྱིར། འབྱུང་བས་ཟབ་པ་ཡིན་ཏེ། རྒྱུ་དང་འབྲས་བུ་རྒྱུན་མི་ཆད་པ་སོགས་བཞིས་རྒྱུ་ལས་འབྲས་བུ་འབྱུང་བའི་ཚུལ་ཤིན་ཏུ་རྟོགས་པར་དཀའ་བའི་ཕྱིར་རོ། །ཡང་ཚུལ་གཞན་གྱི་སྒོ་ནས་ཀྱང་ཟབ་པར་ལྟ་སྟེ། འདི་ལྟར་རང་གི་ངོ་བོ་སྐད་ཅིག་ཀྱང་མི་གནས་ལ་རྒྱུན་གནས་པར་ཡང་དམིགས། བློ་སྔོན་དུ་བཏང་པའི་གཡོ་བ་མེད་པར་ནུས་པའི་རྐྱེན་ལས་རྗེས་སུ་དཔག་པའི་འབྲས་བུ་འབྱུང་བར་ཡང་དམིགས། དོན་དམ་པར་སེམས་ཅན་མེད་ཀྱང་ཐ་སྙད་དུ་སེམས་ཅན་དུ་གདགས་པར་ཡང་དམིགས། ལས་བྱེད་པ་པོ་མེད་ཀྱང་བྱས་པའི་ལས་ཀྱི་འབྲས་བུ་ཆུད་མི་ཟ་བར་ཡང་དམིགས། མཐའ་བཞི་དང་བྲལ་བའི་རྐྱེན་ལས་སྐྱེས་པ་དེའི་ཕྱིར་ཟབ་པར་ཡང་ལྟའོ། །ཅིའི་ཕྱིར་མཐའ་བཞི་དང་བྲལ་ཞེ་ན། ཕྱི་ནང་གི་རྟེན་འབྲེལ་རྣམས་ཆོས་ཅན། བདག་གིས་མ་བྱས་ཏེ། རང་ཉིད་རང་ལ་བྱེད་པ་འགལ་བའི་ཕྱིར། གཞན་ལས་སྐྱེ་བ་མ་ཡིན་ཏེ། རིགས་མི་མཐུན་པ་རྒྱུ་འབྲས་སུ་མི་རུང་བའི་ཕྱིར་དང་། རིགས་མཐུན་པའི་རྒྱུ་རྐྱེན་རྣམས་ནི་གཞན་དུ་མི་འཐད་པའི་ཕྱིར་རོ། །གཉིས་ཀ་ལས་ཀྱང་མ་ཡིན་ཏེ། ཉེས་པ་གཉིས་ཀར་ཡོད་པར་ཐལ་བའི་ཕྱིར་རོ། །རྒྱུ་མེད་པ་ལས་བྱུང་བ་མ་ཡིན་ཏེ། དུས་རྟག་ཏུ་སྐྱེ་བ་འམ་གཏན་མི་སྐྱེ་བར་ཐལ་བའི་ཕྱིར་རོ། །འདི་དག་ནི་དངོས་པོར་སྨྲ་བ་རྣམས་ཀྱི་མཐའ་བཞིའི་སྐྱེ་བ་འགོག་པའི་ཚུལ་ཡིན་གྱི་དབུ་མ་པ་རྣམས་ཀྱིས་གཞན་ལས་སྐྱེ་བ་མིན་ཏེ། འབྲས་བུ་རྒྱུ་ལས་གཞན་མིན་པའི་ཕྱིར། གཞན་ཡིན་ན་མི་ལྟོས་པར་ཐལ་བའི་ཕྱིར་རོ། །ཞེས་འཆད་པས། དངོས་སྨྲ་བ་རྣམས་ཀྱིས་གཞན་སྐྱེ་ཇི་ལྟར་བཀག་ཀྱང་གཞན་སྐྱེ་ཁས་བླངས་པ་ལས་མ་འདས་པར་འཆད་དོ་ཞེས་ཀུན་མཁྱེན་གོ་རམས་པའི་རྟེན་འབྲེལ་རབ་གསལ་ལས་སོ། །
Domain	ཆོས་ལུགས།

{{#arraymap:སེམས་ཙམ་ལུགས་ཀྱི་རྟེན་འབྲེལ་ཟབ་པའི་ཚུལ་ལྔ་

|; |@@@ | | }}