93156

སེམས་རྣམ་པ་ཉི་ཤུ་ (1)

Part of speech	མིང་ཚིག
Definition	རྣལ་འབྱོར་སྤྱོད་པའི་ས་ལས་ཉན་ཐོས་ཀྱི་ས་ལས་བྱུང་བ་སྟེ། ༡ སེམས་འདོད་ཆགས་དང་བཅས་པ་ནི། ཆགས་པར་འགྱུར་བའི་དངོས་པོ་ལ་འདོད་ཆགས་ཀྱིས་ཀུན་ནས་དཀྲིས་པ་གང་ཡིན་པའོ། ། ༢ སེམས་འདོད་ཆགས་དང་བྲལ་བ་ནི། འདོད་ཆགས་ཀྱིས་ཀུན་ནས་དཀྲིས་པ་དང་བྲལ་བ་གང་ཡིན་བའོ། །༣ སེམས་ཞེ་སྡང་དང་བཅས་པ་ནི། ཞེ་སྡང་བར་འགྱུར་བའི་དངོས་པོ་ལ་ཞེ་སྡང་གིས་ཀུན་ནས་དཀྲིས་པའི་གང་ཡིན་པའོ། ། ༤ སེམས་ཞེ་སྡང་དང་བྲལ་བ་ནི། ཞེ་སྡང་གིས་ཀུན་ནས་དཀྲིས་པ་དང་བྲལ་བ་གང་ཡིན་པའོ། །༥ སེམས་གཏི་མུག་དང་བཅས་པ་ནི། རྨོངས་པར་འགྱུར་བའི་དངོས་པོ་ལ་གཏི་མུག་གིས་ཀུན་ནས་དཀྲིས་པ་གང་ཡིན་པའོ། ། ༦ སེམས་གཏི་མུག་དང་བྲལ་བ་ནི། གཏི་མུག་གིས་ཀུན་ནས་དཀྲིས་པ་དང་བྲལ་བ་གང་ཡིན་པའོ། །སེམས་དྲུག་པོ་དེ་དག་ནི་རྒྱུ་བ་དང་ལྡན་པ་དག་ཡིན་པར་རིག་པར་བྱ་སྟེ། དེ་ལ་གསུམ་ནི་ཀུན་ནས་ཉོན་མོངས་པའི་ཕྱོགས་ཡིན་ནོ། ། གསུམ་ནི་ཀུན་ནས་ཉོན་མོངས་བའི་གཉེན་པོའི་ཕྱོགས་ཡིན་ནོ། །༧ སེམས་ཀུན་དུ་བསྡུས་པ་ནི། ཞི་གནས་ཀྱི་རྣམ་པས་ནང་གི་དམིགས་པ་ལ་ཉེ་བར་གཏོད་པ་གང་ཡིན་པའོ། །༨ སེམས་རྣམ་པར་གཡེང་བ་ནི། ཕྱི་རོལ་གྱི་འདོད་པའི་ཡོན་ཏན་ལྔ་པོ་དག་གིས་རྗེས་སུ་ཞུགས་པ་གང་ཡིན་པའོ། ། ༩ སེམས་ཞུམ་པ་ནི། རྨུགས་པ་དང་གཉིད་དང་ལྡན་པ་གང་ཡིན་པའོ། །༡༠ སེམས་རབ་ཏུ་བཟུང་བ་ནི། དང་བར་འགྱུར་བའི་དམིགས་པ་ལ་ཡང་དག་པར་རབ་ཏུ་དགའ་བར་བྱས་པ་གང་ཡིན་པའོ། ། ༡༡ སེམས་རྒོད་པ་ནི། ཧ་ཅང་ཡང་དག་པར་གཟུང་པའི་ཕྱིར་རྒོད་པས་ཀུན་ནས་དཀྲིས་པ་གང་ཡིན་པའོ། །༡༢ སེམས་རྒོད་པ་མ་ཡིན་པ་ནི། རབ་ཏུ་འཛིན་པའི་དུས་དང༌། ཀུན་ཏུ་སྡུད་པའི་དུས་ལ་བཏང་སྙོམས་སུ་འགྱུར་བ་གང་ཡིན་པའོ། ། ༡༣ སེམས་ཉེ་བར་ཞི་བ་ནི། སྒྲིབ་པ་དག་ལས་རྣམ་པར་གྲོལ་བ་གང་ཡིན་པའོ། །༡༤ སེམས་ཉེ་བར་ཞི་བ་མ་ཡིན་པ་ནི། རྣམ་པར་མ་གྲོལ་བ་གང་ཡིན་པའོ། །༡༥ སེམས་མཉམ་པར་གཞག་པ་ནི། སྒྲིབ་པ་དག་ལས་རྣམ་པར་གྲོལ་བའི་ཕྱིར་བསམ་གཏན་གྱི་དངོས་གཞི་ལ་ཞུགས་པ་གང་ཡིན་པའོ། །༡༦ སེམས་མཉམ་པར་གཞག་པ་མ་ཡིན་པ་ནི། མ་ཞུགས་པ་གང་ཡིན་པའོ། །༡༧ སེམས་ལེགས་པར་བསྒོམས་པ་ནི། ཡུན་རིང་པོ་ནས་ཏིང་ངེ་འཛིན་དེ་ཉིད་ལ་ཡོངས་སུ་སྦྱང་བ་བྱས་པའི་ཕྱིར་མྱུར་དུ་སྙོམས་པར་འཇུག་པ་ཅི་འདོད་པ་བཞིན་ཐོབ་པ་དང༌། དཀའ་བ་མེད་པར་ཐོབ་པ་དང༌། ཚེགས་མེད་པར་ཐོབ་པ་གང་ཡིན་པའོ། །༡༨ སེམས་ལེགས་པར་བསྒོམས་པ་མ་ཡིན་པ་ནི། དེ་ལས་བཟློགས་པ་ཡིན་པར་རིག་པར་བྱའོ། ། ༡༩ སེམས་ཤིན་ཏུ་རྣམ་པར་གྲོལ་བ་ནི། ཐམས་ཅད་དང་གཏན་དུ་རྣམ་པར་གྲོལ་བ་གང་ཡིན་པའོ། །༢༠ སེམས་ཤིན་ཏུ་རྣམ་པར་གྲོལ་བ་མ་ཡིན་པ་ནི། ཐམས་ཅད་དང་གཏན་དུ་རྣམ་པར་གྲོལ་བ་མ་ཡིན་པ་གང་ཡིན་པའོ། །སེམས་བཅུ་བཞི་པོ་དེ་དག་ནི་སྤྱོད་པར་གཏོགས་པ་ཡིན་པར་རིག་པར་བྱའོ། །
Domain	ཆོས་ལུགས།

{{#arraymap:སེམས་རྣམ་པ་ཉི་ཤུ་

|; |@@@ | | }}