93316

སེལ་བ་ (1)

Part of speech	མིང་ཚིག
Definition	དོགས་པ་སོགས་མེད་པར་སོང་བའི་དོན་གྱི་བྱ་མིང།
Example	ལོག་རྟོག་སེལ་བ། རྣམ་རྟོག་སེལ་བ་ལྟ་བུ།

སེལ་བ་ (2)

Part of speech	མིང་ཚིག
Definition	སྦྱོར་བ་ཉེར་བདུན་གྱི་ནང་གསེས་ཤིག
Domain	རྩིས་རིག

སེལ་བ་ (3)

Part of speech	མིང་ཚིག
Definition	རང་གི་བསལ་བྱ་ཚིག་གིས་ཟིན་པར་བཅད་ནས་རྟོགས་པར་བྱ་བའི་ཆོས།
Example	འདི་སྐྱེས་པ་ཡིན་ཞེས་པས་བུད་མེད་ཡིན་པ་སེལ་བ་ལྟ་བུའོ། །
Domain	ཚད་མ།

སེལ་བ་ (4)

Part of speech	མིང་ཚིག
Definition	མདོ། འདུལ་བ། སེལ་བའི་དབྱེ་བ་ནི། སེལ་བ་ཞེས་པ་རང་རང་གི་ཡན་ལག་མ་ཚང་བ་དེ་ཡིན་པས་ཡན་ལག་ལས་བཟློག་སྟེ་དབྱེ་བར་བྱའོ། །དེ་ཡང་ཐུན་མོང་གི་སེལ་བ་དང། ཐུན་མོང་མ་ཡིན་པའི་སེལ་བའོ། །དང་པོ་ནི་བསླབ་པའི་ཡན་ལག་གི་སེལ་བ་སྡོམ་པ་གཏན་ནས་མ་བླངས་པ་ལྟ་བུ་དང། བསམ་པ་རང་བཞིན་དུ་གནས་པའི་སེལ་བ་སྨྱོ་བ་ལ་སོགས་པ་ནི་ཀུན་གྱི་ཐུན་མོང་གི་སེལ་བའོ། །བསླབ་པ་རྒྱུན་གཅིག་པ་ནི་ལྟུང་བ་དངོས་གཞི་ཀུན་གྱི་ཐུན་མོང་གི་ཡན་ལག་ཡིན་ཡང། དེའི་སེལ་བ་བསླབ་པ་རྒྱུན་ཐ་དད་པ་ནི་ཀུན་གྱི་ཐུན་མོང་གི་སེལ་བ་མ་ཡིན་ཏེ། སེལ་བ་འདི་ནི་སྦྱོར་བ་རྒྱུན་ལྡན་རྣམས་ལ་འཇུག་གི སྦྱོར་བ་རྒྱུན་མི་ལྡན་རྣམས་ལ་མི་འཇུག་པའི་ཕྱིར་རོ། །ཐུན་མོང་མ་ཡིན་པའི་སེལ་བ་ལ་བཞི་སྟེ། གཞིའི་སེལ་བ་ནི་གཞིའི་ཡན་ལག་མ་ཚང་བ་དང། བསམ་པའི་སེལ་བ་དང། སྦྱོར་བའི་སེལ་བ་དང། མཐར་ཐུག་གི་སེལ་བ་སྟེ་མཐར་ཐུག་གི་ཡན་ལག་མ་ཚང་བའོ། །གཉིས་པ་སེལ་བའི་མཚན་ཉིད་ནི་ལྟུང་བ་རང་རང་གི་དངོས་གཞི་རྫོགས་པར་བསྐྱེད་པ་ལ་ངེས་གཟུང་དུ་དགོས་པའི་ཡན་ལག་མ་ཚང་བའོ། །དེ་ཡང་མ་བྱིན་ལེན་གྱི་ཕམ་པ་བསྐྱེད་པ་ལ་རིན་ཐང་གི་ཡན་ལག་མ་ཚང་བ་ལྟ་བུའོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། །
Domain	ཆོས་ལུགས།