94010

སྐད་ཅིག་མའི་རྟེན་འབྲེལ་ (1)

Part of speech	མིང་ཚིག
Definition	མདོ། མངོན་པ། འདོད་ཆགས་དྲག་པོས་ཀུན་ནས་བསླངས་པའི་སྲོག་གཅོད་པའི་གནས་སྐབས་གྱི་སྐད་ཅིག་མ་གཅིག་ལ་ཡང་ཡན་ལག་བཅུ་གཉིས་བརྩིར་རུང་སྟེ། དེའི་གནས་སྐབས་ཀྱི་སེམས་བྱུང་རྨོངས་པ་ནི་མ་རིག་པ། སེམས་བྱུང་སེམས་པ་ནི་འདུ་བྱེད། གཙོ་སེམས་ནི་རྣམ་པར་ཤེས་པ། དེ་ཉིད་ཕུང་པོ་གཞན་བཞི་དང་བཅས་པ་ནི་མིང་གཟུགས། མིང་གཟུགས་དེ་ལ་གནས་པའི་མིག་སོགས་དྲུག་ནི་སྐྱེ་མཆེད་དྲུག སྐྱེ་མཆེད་དྲུག་ཡུལ་དང་འཕྲད་པ་ནི་རེག་པ། རེག་པ་ཉམས་སུ་མྱོང་པ་ནི་ཚོར་བ། འདོད་ཆགས་དྲག་པོ་ནི་སྲེད་པ། དེས་ཀུན་ནས་བསླངས་པའི་ལུས་ངག་གི་ལས་རྣམས་ནི་ལེན་པ་དང་སྲིད་པ། ལས་དེས་འབྲས་བུ་ཕྱི་མ་བསྐྱེད་ནུས་པ་ནི་སྐྱེ་བ། ལས་དེ་ཞིག་ཅིང་འགག་པ་ནི་རྒ་ཤི་སྟེ། དེ་ཐམས་ཅད་ཀྱང་འདོད་ཆགས་དྲག་པོས་ཀུན་ནས་སློང་བའི་སྲོག་གཅོད་པའི་གནས་སྐབས་ཀྱི་སྐད་ཅིག་མ་སྐྱེས་ནས་འགགས་བ་ཙམ་ལ་ཚང་བའི་ཕྱིར་རོ་ཞེས་ཀུན་མཁྱེན་གོ་རམས་པའི་རྟེན་འབྲེལ་རབ་གསལ་ལས་སོ། །
Domain	ཆོས་ལུགས།