94079

སྐབས་གསུམ་པར་སྒོམ་ལམ་མི་སྟོན་པའི་རྒྱུ་མཚན་ (1)

Part of speech	མིང་ཚིག
Definition	མདོ། ཕར་ཕྱིན། ཉན་རང་གི་ལམ་གཉིས་གཞན་དོན་དུ་ཤེས་པར་བྱ་བ་ཙམ་ཡིན་པས་མཐོང་བ་ཙམ་གྱིས་དོན་འགྲུབ་ཅིང་། ཉོན་མོངས་སྤངས་པའི་རྣམ་གྲོལ་དོན་དུ་མི་གཉེར་བས་རྟོགས་རིགས་མཐོང་ཟིན་སླར་བསྒོམ་མི་དགོས་པས། སྒོམ་པའི་ལམ་ནི་མ་བསྟན་ཞེས་པའི་དོན་ནོ། །ཉན་ཐོས་ཀྱི་སྒོམ་ལམ་མི་སྟོན་པ་ལ་འདོད་པ་ནི་འཕྲོས་མ་རྟོགས་པ་ཡིན་ནོ། །ཞེས་ཀུན་མཁྱེན་རོང་སྟོན་ཆེན་པོའི་རྣམ་བཤད་ཚིག་དོན་རབ་གསལ་ལས་སོ། ། ཀུན་མཁྱེན་གོ་རམས་པས། སྐབས་གཉིས་པར་མཐོང་ལམ་གྱི་རྗེས་སུ་སྒོམ་ལམ་བསྟན་པ་ལྟར་སྐབས་གསུམ་པ་འདིར་ཡང་ཅིའི་ཕྱིར་མི་སྟོན་སྙམ་ན། འདིར་མཐོང་ལམ་ནི་ཐེག་དམན་གྱི་རྟོགས་རིགས་སུ་གྱུར་པའི་ཐེག་པ་ཆེན་པོའི་མཐོང་ལམ་ཡིན་པས། དེའི་རྗེས་སུ་སྒོམ་ལམ་སྟོན་ན་ཐེག་དམན་གྱི་རྟོགས་རིགས་རྒྱུན་ལྡན་དུ་སྒོམ་པར་བྱེད་པའི་ཐེག་ཆེན་གྱི་སྒོམ་ལམ་བསྟན་དགོས་ལ། བྱང་ཆུབ་སེམས་དཔས་ཐེག་དམན་གྱི་རྟོགས་རིགས་གཞན་དོན་དུ་མངོན་སུམ་དུ་ཤེས་པར་བྱ་བ་ཙམ་ཡིན་གྱི་མངོན་སུམ་དུ་མཐོང་ཟིན་རང་དོན་དུ་རྒྱུན་ལྡན་དུ་བསྒོམ་པར་བྱ་བ་ནི་མ་ཡིན་པས་དེ་ལྟ་བུའི་སྒོམ་ལམ་མེད་པས་མ་བསྟན་པ་ཡིན་ནོ། །ཞེས་སྦས་དོན་ཟབ་མོ་ལས་གསུངས། ། པཎ་ཆེན་ཤཱཀ་མཆོག་གིས། མཚན་ཉིད་ནི། ཐེག་ཆེན་གྱི་རྟོགས་རིགས་མངོན་སུམ་དུ་མཐོང་ཟིན་རྒྱུན་ལྡན་དུ་སྒོམ་པར་བྱེད་པའི་ཐེག་ཆེན་གྱི་རྗེས་ལ་མངོན་རྟོགས། དེ་འདྲའི་སྒོམ་ལམ་དེ་ནི་མི་དམིགས་པས་སྐབས་གསུམ་པ་འདིར་མ་བསྟན་པ་ཡིན་ནོ། །ཞེས་རྒྱན་འགྲེལ་ལུང་དོན་རྒྱ་མཚོ་ལས་གསུངས་སོ། །
Domain	ཆོས་ལུགས།