94262

སྐལ་མཉམ་ (1)

Part of speech	མིང་ཚིག
Definition	རིགས་གཅིག་པའམ་རིགས་མཚུངས་པའི་དོན།
Example	སྐལ་མཉམ་གཞན་ལ་ཕན་ཕྱིར་གཞུང་འདི་བརྩམས་ལྟ་བུ།

སྐལ་མཉམ་ (2)

Part of speech	མིང་ཚིག
Definition	མདོ། མངོན་པ། མི་ལྡན་པའི་འདུ་བྱེད་བརྒྱད་ཀྱི་ནང་གསེས་ཤིག་སྟེ། དེ་ནི་རིགས་མཐུན་པའི་སྤྱི་ལ་བྱ་སྟེ། མཆིམས་མཛོད་ལས། སྐལ་མཉམ་ཡང་གཉིས་ཏེ། སྤྱིའི་སྐལ་མཉམ་སེམས་ཅན་ཐམས་ཅད་ཀྱི་སྤྱི་དང༌། བྱེ་བྲག་གི་སྐལ་མཉམ་མི་དང་ལྷ་ལ་སོགས་པའི་སྤྱི་ལྟ་བུའོ། །ཡང་ན་སེམས་ཅན་གྱི་སྐལ་མཉམ་སྔར་སྨོས་པ་དེ་ལྟ་བུ་དང༌། ཆོས་ཀྱི་སྐལ་མཉམ་ཕུང་པོ་དང་ཁམས་དང་སྐྱེ་མཆེད་ལ་སོགས་པའི་སྤྱི་ལྟ་བུའོ། །འདི་ལ་ཡེ་ཤེས་ལ་འཇུག་པ་ལ་སོགས་པ་ལས་ནི་རིས་མཐུན་པ་ཞེས་བཤད་དོ། །བྱེ་བྲག་ཏུ་སྨྲ་བ་རྣམས་ན་རེ་གལ་ཏེ་དེ་ལྟ་བུའི་སྐལ་མཉམ་གྱི་སྤྱི་མེད་ན་སེམས་ཅད་དང་ཆོས་རྣམས་ལ་སྒྲ་དང་བློ་མཐུན་པ་འཇུག་པར་མི་འགྱུར་ཏེ། རྒྱུ་མཚན་མེད་པའི་ཕྱིར་རོ། །བཅོམ་ལྡན་འདས་ཀྱིས་ཀྱང༌། སྲོག་གཅོད་པ་ཀུན་དུ་བསྟེན་པ་དང་གོམས་པར་བྱས་པ་དང་ལན་མང་དུ་བྱས་པས་དམྱལ་བ་དག་ཏུ་སྐྱེ་བར་འགྱུར་རོ། །བརྒྱ་ལ་མི་རྣམས་དང་སྐལ་བ་མཉམ་པ་འདི་ལྟ་བུ་ཉིད་དུ་འོང་ན་ཡང་སྲོག་བཅད་པས་ཚེ་ཐུང་བར་འགྱུར་རོ་ཞེས་བྱ་བ་ལ་སོགས་པ་རྒྱ་ཆེར་སྐལ་མཉམ་གསུངས་པའི་ཕྱིར་རོ་ཞེས་ཟེར་རོ། །ཞེས་གསུངས། སེར་སྨད་རྒྱལ་དབང་མཛོད་ལས། འོ་ན་སྤྱི་དང་བྱེ་བྲག་གང་རུང་དུ་སྐལ་བ་མཉམ་ན་སྐལ་བ་མཉམ་པས་ཁྱབ་བམ་ཞེ་ན། མ་ཁྱབ་སྟེ། མི་དང་དུད་འགྲོ་ལྟ་བུ་སྤྱིར་སེམས་ཅན་ཙམ་དུ་སྐལ་བ་མཉམ་ཡང༌། སྐལ་བ་མཉམ་པ་མ་ཡིན་པའི་ཕྱིར་དང༌། བྱེ་བྲག་ཏུ་སྐལ་བ་མཉམ་ན་ཡང་སྐལ་བ་མཉམ་པས་མ་ཁྱབ་ཏེ། འཁོར་ལོས་བསྒྱུར་བའི་རྒྱལ་པོ་དང༌། སློང་མོ་བ་ལྟ་བུ་བྱེ་བྲག་མིར་སྐལ་བ་མཉམ་ཡང༌། སྤྱིར་སྐལ་བ་མཉམ་པར་འཇོག་མི་རིགས་པ་ལྟ་བུའོ། །འོ་ན་སྤྱིར་སྐལ་མཉམ་ཡིན་པ་རྣམ་པ་ཐམས་ཅད་དུ་མེད་དམ་ཞེ་ན། ཐམས་ཅད་ནས་ཐམས་ཅད་དུ་མཚུངས་པར་རིས་མཐུན་པ་ནི་ལ་ལ་ཙམ་ལས་དཀོན་མོད་ཀྱང༌། ཕལ་ཆེར་རིགས་མཐུན་པ་ལ་སྐལ་མཉམ་དུ་བཞག་ཆོག་པ་འདྲ་སྟེ། འདོད་པའི་ལྷ་རྣམས་འདོད་ལྷར་སྐལ་བ་མཉམ་པ་དང༌། གཟུགས་ཀྱི་ལྷ་རྣམས་གཟུགས་སུ་སྐལ་བ་མཉམ་པ་ལྟ་བུ་དང༌། གླིང་གཞན་གསུམ་གྱི་མི་རྣམས་ལོངས་སྤྱོད་ཀྱི་ས་པར་སྐལ་བ་མཉམ་པ་དང༌། ཛམྦུ་གླིང་པ་ལ་མཚོན་ན་རྒྱལ་པོ་རྒྱལ་རིགས་རྣམས་རྒྱལ་རིགས་སུ་སྐལ་བ་མཉམ་པ་ནས། དགེ་སྦྱོང་དང༌། བྲམ་ཟེ་དང༌། ཁྱིམ་བདག་དང༌། དམངས་ཕལ་པ་སོགས་སོ་སོ་ནས་ནང་ཕན་ཚུན་དེ་དང་དེར་སྐལ་བ་མཉམ་པ་དང༌། དུད་འགྲོ་སོགས་ཀྱང་རང་རང་རིགས་མཐུན་དེ་དང་དེར་སྐལ་བ་མཉམ་པ་ལྟ་བུ་རྣམས་སྤྱིར་ཡང་སྐལ་བ་མཉམ་པར་འཇོག་པ་ལ་འགལ་བ་མེད་ཅིང༌། དེ་ལྟ་མིན་པ་འདབ་ཆགས་སུ་རིགས་མཐུན་ཀྱང་མཁའ་ལྡིང་དང༌། ཕ་ཝང་ལྟ་བུ་དང༌། གཅན་གཟན་དུ་རིགས་མཐུན་ཀྱང་ཁྱི་དང་སེངྒེ་ལྟ་བུ་སྐལ་མཉམ་དུ་བཞག་ན་འཇིག་རྟེན་གྱི་ཐ་སྙད་དུ་མི་མཛེས་པས་སྐབས་ཤེས་པར་བྱའོ། །ཞེས་གསུངས།
Domain	ཆོས་ལུགས།

སྐལ་མཉམ་ (3)

Part of speech

མིང་ཚིག

Definition

མི་ལྡན་འདུ་བྱེད་བཅུ་བཞིའི་ནང་གསེས་ཤིག་ཏེ། མཛོད་ལས། སྐལ་མཉམ་སེམས་ཅན་འདྲ་བའོ། །ཞེས་པ་ལྟར། སེམས་ཅན་རྣམས་སྤྱོད་པ་དང་རང་བཞིན་དང་བསམ་པ་ལ་སོགས་པ་སྐལ་བ་མཚུངས་ཤིང་འདྲ་བར་བྱེད་པའི་རྫས་དང་། ཡང་ན་ཆོས་རྣམས་ཕུང་པོ་དང་སྐྱེ་མཆེད་དང་ཁམས་སོགས་སྐལ་བ་མཚུངས་ཤིང་འདྲ་བྱེད་རྫས་སོ། །ཞེས་བྱེ་བྲག་ཏུ་སྨྲ་བས་འདོད་དེ། གལ་ཏེ་དེ་ལྟ་བུའི་སྐལ་མཉམ་གྱི་རྫས་མེད་ན་སེམས་ཅན་ཞེས་པ་ལ་སོགས་དེ་དག་ལ་སྒྲ་དང་བློ་མཐུན་པ་འཇུག་པར་མི་འགྱུར་བར་ཐལ་བའི་ཕྱིར་དང་། ཆོས་རྗེ་བཅོམ་ལྡན་འདས་ཀྱིས་ཀྱང་། སྲོག་གཅོད་པ་ཀུན་ཏུ་བསྟན་པ་དང་གོམས་པར་བྱས་པ་དང་ལན་མང་དུ་བྱས་པས་དམྱལ་བ་དག་ཏུ་སྐྱེ་བར་འགྱུར་རོ། །བརྒྱ་ལ་མི་རྣམས་དང་སྐལ་བ་མཉམ་པ་འདི་ལྟ་བུ་ཉིད་དུ་འོང་ན་ཡང་སྲོག་བཅད་པས་ཚེ་ཐུང་བར་འགྱུར་རོ་ཞེས་བྱ་བ་ལ་སོགས་པ་རྒྱ་ཆེར་སྐལ་མཉམ་གསུངས་པའི་ཕྱིར་རོ་ཞེས་ཟེར་རོ། །འདི་ལ་དབྱེ་ན་ཐ་དད་མ་ཡིན་པ་དང་ཐ་དད་པ་སྟེ་གཉིས་སོ། །