94301

སྐུ་གདུང་ཆེན་པོའི་མཆོད་རྟེན་ (1)

Part of speech

མིང་ཚིག

Definition

སྐུ་གདུང་ཆེན་པོའི་མཆོད་རྟེན་ནི། སྟོན་པ་ཤཱཀྱ་ཐུབ་པ་སྐུ་མྱ་ངན་ལས་འདས་པའི་པུར་སྦྱོང་སྐབས་རང་བྱུང་དུ་བྱོན་པར་གྲགས་པའི་མཆོད་རྟེན་ཞིག་སྟེ། དཔལ་གསང་བ་སྙིང་པོའི་རྒྱུད་དོན་གསལ་བྱེད་མེ་ལོང་ལས། སྐྱེས་པའི་མཐའ་འཆི་བས་མི་གཏོང་བ་མཚོན་པའི་བརྡར་བཅོམ་ལྡན་འདས་དགུང་ལོ་བརྒྱད་ཅུ་བཞེས་པའི་ཚེ་ཆུ་མོ་ལུག་གི་ལོའི་དཔྱིད་ཟླ་འབྲིང་པོའི་ཚེས་བཅོ་ལྔའི་ཉིན་ཡོངས་སུ་མྱ་ངན་ལས་འདའ་བར་དགོངས་ནས་གྲོང་ཁྱེར་རྩྭ་མཆོག་ཏུ་འཁོར་རྣམས་ལ་གདམས་ངག་བཞག་པའི་རྗེས་སུ་ཤིང་སཱ་ལ་ཟུང་གཅིག་གི་དྲུང་དུ་སེངྒེའི་ཉལ་ཐབས་ཀྱིས་གཟིམས་ཤིང་སྐུ་ཡོངས་སུ་མྱ་ངན་ལས་འདས་སོ། །དེའི་ཚེ་འོད་སྲུང་ཆེན་པོ་འོད་མའི་ཚལ་ན་ཡོད་པ་ལ་ས་གཡོས་པར་གྱུར་པས་དེ་བཞིན་གཤེགས་པ་མྱ་ངན་ལས་འདས་པའི་རྟགས་སུ་མཁྱེན་ནས། གྲོང་ཁྱེར་རྩྭ་མཆོག་ཏུ་བྱོན་ནས་བཅོམ་ལྡན་འདས་ཀྱི་པུར་སྦྱངས་སོ། །དེའི་ཚེ་སྐུ་གདུང་ཆེན་པོའི་མཆོད་རྟེན་རང་བྱུང་དུ་བྱོན་ཏོ། །ཞེས་གསུངས་སོ། །