94587

སྐུར་བ་འདེབས་པའི་ལྟུང་བྱེད་ (1)

Part of speech	མིང་ཚིག
Definition	འདུལ་བ་རྣམ་པར་འབྱེད་པའི་སྡེ་ཚན། འདུལ་བ་ཇ་པར་བཞུགས།

{{#arraymap:སྐུར་བ་འདེབས་པའི་ལྟུང་བྱེད་

|; |@@@ | | }}

སྐུར་བ་འདེབས་པའི་ལྟུང་བྱེད་ (2)

Part of speech	མིང་ཚིག
Definition	མདོ། འདུལ་བ། གླེང་གཞི་ནི་རྒྱལ་པོའི་ཁབ་ཏུ་མཛའ་བོ་དང་ས་ལས་སྐྱེས་ཀྱིས་དགེ་འདུན་ལྷག་མས་སྐུར་པ་བཏབ་པ་ལས་ལྟུང་བྱེད་དུ་བཅས་སོ། །དགག་བྱ་ནི་སྡོམ་པའི་སྒོ་ནས་རང་རིགས་ཙམ་ལ་གནོད་པའོ། །ངོ་ཏི་ནི་བཅས་ལྡན་དགེ་སློང་གིས་རང་ཕྱོགས་བསྙེན་རྫོགས་ཀྱི་སྡོམ་པ་གསོར་རུང་ཡན་ཆད་དང་ལྡན་པའམ་ལྟ་བ་གཞན་ཕྱོགས་བསྙེན་རྫོགས་ཀྱི་སྡོམ་པ་ཕམ་པས་མ་ཉམས་པ་དང་ལྡན་པ་ལ་དགེ་འདུན་ལྷག་མས་སྐུར་བ་བཏབ་པ་ལས་གྱུར་པའི་ལྟུང་བ་དངོས་གཞིའོ། ། ཡན་ལག་ལ་བཞི་ལས། གཞིའི་ཡན་ལག་ལ་གསུམ་སྟེ། གང་ལ་སྐུར་བ་གདབ་པའི་ཡུལ་དང། གང་གིས་སྐུར་བ་གདབ་པའི་དངོས་པོ་དང། གང་ལ་གོ་བར་བྱ་བའི་ཡུལ་ལོ། །དང་པོ་ནི་ཆོས་བཞི་ལྡན( རང་ཕྱོགས་བསྙེན་རྫོགས་ཀྱི་སྡོམ་པ་གསོར་རུང་ཡན་ཆད་དང་ལྡན་པའམ། ལྟ་བ་གཞན་ཕྱོགས་བསྙེན་རྫོགས་ཀྱི་སྡོམ་པ་ཕམ་པས་མ་ཉམས་པ་ཐ་སྙད་གསུམ་ལྡན། ལུས་ཐ་མལ་པ་རང་ལས་ཐ་དད་པའོ། །)ཏེ་སྔར་ཕམ་པས་སྐུར་པ་འདེབས་པའི་སྐབས་སུ་བཤད་པ་བཞིན་ནོ། །གཉིས་པ་ནི་དགེ་འདུན་ལྷག་མས་སྐུར་པ་འདེབས་པ་ཡིན་པ་དང་། གཞི་མེད་པ་ཡིན་པ་སྟེ། དགེ་འདུན་ལྷག་མས་སྐུར་པ་བརྗོད་ནའོ། །ཞེས་པ་དང་། གཞི་མེད་དང་ཞེས་བསྡོམས་ཚིག་ལས་སོ། །( དགེ་འདུན་ལྷག་མ་བྱུང་བ་ནི་འདིའི་ཡན་ལག་ཏུ་མི་དགོས་ཏེ། ལྷག་མའི་ལྟུང་བ་གཏན་མེད་ལ་དེ་ཡོད་དོ་ཞེས་སྐུར་པ་བཏབ་ནའང་ལྟུང་བྱེད་དུ་འགྱུར་བའི་ཕྱིར་རོ། །གསུམ་པ་ནི་གོ་བྱའི་ཡུལ་ཆོས་གསུམ་ལྡན། ཐ་སྙད་ལྔ་དང་ལྡན། ལུས་ཐ་མལ་པར་གནས་པ། བདག་ལས་ཐ་དད་ཅེས། ) སྔར་མི་ཆོས་བླ་མའི་སྐབས་སུ་བཤད་པ་བཞིན་ནོ། །བསམ་པའི་ཡན་ལག་ལ་གཉིས་ལས། འདུ་ཤེས་ནི་མ་དག་པའི་ཕྱོགས་གཅིག་མ་གཏོགས་པ་གཞིའི་ཡན་ལག་དེ་དག་ལ་མ་འཁྲུལ་བའོ། །ཀུན་སློང་ནི་དགེ་འདུན་ལྷག་མས་སྐུར་པ་འདེབས་པའི་ཚིག་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །སྦྱོར་བ་ནི་ངག་མཚན་ཉིད་ལྔ་ལྡན་གྱིས་སྐུར་བ་འདེབས་པར་ཞུགས་པའོ། །མཐར་ཐུག་ནི་དོན་གོ་བའོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། ། སྐུར་བ་འདེབས་པའི་ལྟུང་བྱེད་ནི། སྐུར་བ་འདེབས་པར་འདོད་པས་དགེ་སློང་རྣམ་པར་དག་པ་ལ་འདུ་ཤེས་བསྒྱུར་ཏེ་དགེ་འདུན་ལྷག་མའི་སྐུར་བ་བརྗོད་ནའོ། །ཞེས་པས་བསྟན། ངོ་བོ་ནི། ཡུལ་དགེ་སློང་རྣམ་པར་དག་པ་ལ་མཐོང་ཐོས་དོགས་གསུམ་གྱི་གཞི་མེད་བཞིན་དུ་དགེ་སློང་གཞན་གྱིས་ལྷག་མས་སྐུར་བ་འདེབས་པའི་བཅས་པའི་ཁ་ན་མ་ཐོ་བའོ། །འདི་ནི་བརྫུན་གྱི་ལྟུང་བྱེད་ཀྱང་ཡིན་ཏེ། འདུ་ཤེས་བསྒྱུར་ཏེ་ཞེས་གསུངས་པའི་ཕྱིར། ཞེས་པཎ་ཆེན་ངག་དབང་ཆོས་གྲགས་ཀྱི་འདུལ་བའི་སྤྱི་དོན་ཐུབ་བསྟན་རྒྱས་པའི་ཉིན་བྱེད་ལས་སོ། །
Domain	ཆོས་ལུགས།

{{#arraymap:སྐུར་བ་འདེབས་པའི་ལྟུང་བྱེད་

|; |@@@ | | }}