96235

སྒྱུ་མ་ལྟ་བུའི་དབུ་མ་པ་ (1)

Part of speech	མིང་ཚིག
Definition	མདོ། དབུ་མ། སྒྱུ་མ་ལྟ་བུའི་དབུ་མ་པ་ནི་སློབ་དཔོན་དཔའ་བོ་སྟེ། འདི་ངེས་པར་ཡོད་དགོས་པར་སྣང་སྟེ། ཀུན་རྫོབ་ཀྱི་རྣམ་གཞག་རང་སྡེ་དངོས་པོ་སྨྲ་བ་གསུམ་དང་ཚུལ་མཚུངས་པ་ཡོད་ན་དབུ་མ་པ་རང་ལུགས་ཀྱི་ཀུན་རྫོབ་སྒྱུ་མ་ལྟ་བུ་ཁས་ལེན་པ་ཞིག་ཀྱང་ངེས་པར་དགོས་པའི་ཕྱིར། །འོ་ན་དབུ་མ་གཞན་རྣམས་ཀྱང་ཀུན་རྫོབ་སྒྱུ་མ་ལྟ་བུ་ཁས་ལེན་པས་ཁྱད་པར་ཅི་ཡོད་སྙམ་ན། འདི་དག་ནི། ཐ་སྙད་བདེན་པ་ཐབས་སུ་གྱུར་པ་དང་། དོན་དམ་བདེན་པ་ཐབས་བྱུང་གྱུར་པ་སྟེ། །ཞེས་པ་ལྟ་བུ་དོན་དམ་རྟོགས་པའི་རྟེན་གྱི་ཀུན་རྫོབ་ཁས་ལེན་ཚུལ་གྱིས་ཕྱེ་བ་ཡིན་ལ། དེའི་ཚེ་གཞན་རྣམས་རང་རང་གི་འདོད་པ་ལྟར་གྱི་ཀུན་རྫོབ་ཁས་ལེན་ཅིང་། སློབ་དཔོན་འདིས་ནི་ཐོག་མར་ཀུན་རྫོབ་སྒྱུ་མ་ལྟ་བུ་བསྒྲུབས་ནས་དེའི་འོག་ཏུ་སྒྱུ་མ་ཙམ་ལའང་མངོན་ཞེན་བཀག་པའི་རབ་ཏུ་མི་གནས་པའི་དོན་དམ་བསྒྲུབ་པར་བཞེད་དེ། བདེན་པ་གཉིས་ཀྱི་ཚུལ་གནས་ཏེ། །ཐ་སྙད་ལ་ནི་རབ་བརྟེན་ནས། །ཞེས་པའི་དོན་ཏོ། །ཞེས་ཀུན་མཁྱེན་གོ་རམས་པའི་དབུ་མ་སྤྱི་དོན་ལས་གསུངས་སོ། །
Domain	ཆོས་ལུགས།