96367

སྒྲ་ (1)

Part of speech	མིང་ཚིག
Definition	སྒྲའི་མཚན་ཉིད་ནི། འབྱུང་འགྱུར་གང་ཞིག རྣ་བའི་དབང་པོའི་སྤྱོད་ཡུལ་དུ་གྱུར་པའི་ཕྱི་དོན་ནོ། །སྒྲ་ལ་དབྱེ་ན་མཛོད་ལས། སྒྲ་ནི་རྣམ་པར་བརྒྱད་ཡོད་དེ། །ཞེས་ཟིན་པའི་འབྱུང་བ་ཆེན་པོའི་རྒྱུ་ལས་བྱུང་བ། སེམས་ཅན་དུ་སྟོན་པ་དང། མི་སྟོན་པ་གཉིས། མ་ཟིན་པའི་འབྱུང་བ་ཆེན་པོའི་རྒྱུ་ལས་བྱུང་བ། སེམས་ཅན་དུ་སྟོན་པ་དང། མི་སྟོན་པ་གཉིས་ཏེ་བཞི། དེ་རེ་རེ་ལ་ཡང་ཡིད་དུ་འོང་མི་འོང་གཉིས་གཉིས་ཏེ་བརྒྱད་དུ་གསུངས་སོ། །ཀུན་བཏུས་ལས། ཡིད་དུ་འོང་བ་དང། མི་འོང་བ་དང། གཉིས་ཀ་མིན་པ་དང་གསུམ། ཟིན་པ་དང་། མ་ཟིན་པའི་དང། དེ་གཉིས་ཀའི་འབྱུང་བ་ཆེན་པོའི་རྒྱུ་ལས་བྱུང་བ་གསུམ། འཇིག་རྟེན་གྱི་གྲགས་པ་དང། གྲུབ་པས་བསྟན་པ་དང། ཀུན་བཏགས་པ་དང། འཕགས་པས་ཐ་སྙད་བཏགས་པ་དང། འཕགས་པ་མ་ཡིན་པས་ཐ་སྙད་བཏགས་པ་སྟེ་བཅུ་གཅིག་ཏུ་གསུངས་སོ། །པན་ཀན་ལས་ནི། ཟིན་པ་དང་། མ་ཟིན་པ་དང། གཉིས་ཀའི་འབྱུང་བ་ཆེན་པོའི་རྒྱུ་ལས་བྱུང་བ་གསུམ་དུ་གསུངས་སོ་ཞེས་ཀུན་མཁྱེན་གོ་རམས་པའི་ཇི་སྙེད་ཤེས་བྱའི་སྒོ་འབྱེད་ལས་སོ། ། སྒྲ་ནི་འཇིག་ཅིང་རབ་ཏུ་འཇིག་པས་སྒྲ་དེ་རྒྱུན་མེད་པའོ། །དབྱེ་ན་རྣམ་པ་བརྒྱད་ཡོད་དེ། ཟིན་པའི་འབྱུང་བ་དང་མ་ཟིན་པའི་འབྱུང་བ་ལ་བརྟེན་པ་གཉིས་དང། དེ་ལ་སེམས་ཅན་དུ་སྟོན་མི་སྟོན་གཉིས་གཉིས་དང། དེ་ལ་སྙན་མི་སྙན་གཉིས་གཉིས་ཏེ་བརྒྱད་དོ། །ཟིན་པའི་འབྱུང་བ་ལ་བརྟེན་པའི་སྒྲ་སེམས་ཅན་དུ་སྟོན་པ་ནི་ཆོས་འཆད་པའི་སྒྲ་ལྟ་བུའོ། །མ་ཟིན་པའི་འབྱུང་བ་ལ་བརྟེན་པའི་སྒྲ་སེམས་ཅན་དུ་སྟོན་པ་ནི་སྤྲུལ་པས་ཆོས་འཆད་པའི་སྒྲ་ལྟ་བུའོ། །ཟིན་པའི་འབྱུང་བ་ལ་བརྟེན་པའི་སྒྲ་སེམས་ཅན་དུ་མི་སྟོན་པ་ནི་ཕེག་རྡོབ་པའི་སྒྲ་ལྟ་བུའོ། །མ་ཟིན་པའི་འབྱུང་བ་ལ་བརྟེན་པའི་སྒྲ་སེམས་ཅན་དུ་མི་སྟོན་པ་ནི་བྲག་རལ་བའི་སྒྲ་ལྟ་བུའོ་ཞེས་ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས་སོ། ། དོན་ལྔ་ཡི་ནང་ཚན་དུ་གྱུར་པའི་སྒྲ་དང། སྒྲའི་སྐྱེ་མཆེད་དང། ཁམས་བཅོ་བརྒྱད་ཀྱི་ནང་ཚན་དུ་གྱུར་པའི་སྒྲའི་ཁམས་རྣམས་དོན་གཅིག་གོ་ཞེས་པཎ་ཆེན་ངག་ཆོས་ཀྱི་ཆོས་མངོན་པ་མཛོད་ཀྱི་སྤྱིདོན་ལས་སོ། །
Keyword	True

སྒྲ་ (2)

Part of speech	མིང་ཚིག
Definition	ཡི་གེ་དང་ཐ་སྙད་དམ་ཚིག་སྟེ།
Example	བདག་སྒྲ། དགག་སྒྲ། འབྲེལ་སྒྲ། བྱེད་སྒྲ་ལྟ་བུ།
Domain	སྒྲ་རིག་པ།