96416

སྒྲ་དྲུག་ (1)

Part of speech	མིང་ཚིག
Definition	སྔགས། རྫོགས་ཆེན། རྙིང་མ། ཉི་ཟླ་འབར་བའི་སྒྲོན་མ་ལས། དེ་ལ་སྒྲ་དྲུག་ནི། སྣང་བའི་སྒྲ་དང་། སྟོང་པའི་སྒྲ་དང་། བྱས་པའི་སྒྲ་དང་། མ་བྱས་པའི་སྒྲ་དང་། ཡོད་པའི་སྒྲ་དང་། མེད་པའི་སྒྲ་དང་དྲུག་གོ ། རྡོ་རྗེའི་སྒྲ་ཞེས་པ་སྒྲ་དྲུག་ཏུ་བཤད་ན། དེ་ལ་སྣང་བའི་སྒྲ་ནི། སྣང་སྲིད་ཀྱི་སེམས་ཅན་སྐྱེ་འགྲོ་གཟུགས་ཀྱིས་བསྡུས་པ་ཐམས་ཅད་ལ་རང་རང་གི་སྐད་དང་སྒྲ་རང་ཆས་སུ་ཡོད་པ་ནི་སྣང་བའི་སྒྲའོ། །སྟོང་པའི་སྒྲ་ནི། ནམ་མཁའ་སྟོང་པ་ལས་འབྲུག་དང་ཐོག་གི་སྒྲ་ནི་སྟོང་པའི་སྒྲའོ། །བྱས་པའི་སྒྲ་ནི། རྔ་བོ་ཆེ་དང་། ཟངས་དུང་དང་། ཆ་ལང་དང་། དྲིལ་བུ་དང་། དུང་སློགས་པ་དང་། བརྡུངས་ཤིང་བུས་ཤིང་དཀྲོལ་བ་ལ་སོགས་པ་ནི་བྱས་པའི་སྒྲའོ། །མ་བྱས་པའི་སྒྲ་ནི། ཆུ་སྒྲ་དང་། རླུང་སྒྲ་དང་། མེ་སྒྲ་ལ་སོགས་པ་འབྱུང་བ་ལྔ་ལ་སྒྲ་རང་ཆས་སུ་ཡོད་པ་ནི་མ་བྱས་པ་འབྱུང་བའི་སྒྲའོ། །ཡོད་པའི་སྒྲ་ནི། གཟུགས་ཅན་གྱི་དངོས་པོ་ལ་སྒྲ་སྣ་ཚོགས་འབྱུང་བ་ནི་ཡོད་པའི་སྒྲའོ། །མེད་པའི་སྒྲ་ནི་གཟུགས་ཀྱི་དངོས་པོ་ཅི་ཡང་མེད་པ་ལ་སྟོང་པའི་སྒྲ་འབྱུང་བ་ནི་དཔེར་ན་བྲག་ཆའི་སྒྲ་ལྟ་བུའོ། །སྟོང་པ་ལ་འུར་འུར་ཏོག་ཚལ་སྒྲ་ཆེམས་པའི་སྒྲ་འབྱུང་བ་ནི་མེད་པའི་སྒྲའོ། །ཡང་ན་སྒྲ་ཁྱད་པར་འཕགས་པ་ནི། དོན་དམ་པ་ཆོས་ཉིད་ཀྱི་སྒྲའོ། །ཞེས་གསུངས།
Domain	ཆོས་ལུགས།