96647

སྒྲུབ་གནས་སྐྱིད་ཕུག་བདེ་ལྡན་ (1)

Part of speech

མིང་ཚིག

Definition

གནས་འདིར་ཆོས་རྗེ་ཀུན་སྤངས་ཆེན་པོས། སྒྲུབ་གནས་ཀྱི་དགེ་མཚན་དུ་མ་ཡོད་པར་གཟིགས་ཏེ། དབྱར་དགུན་བཅུ་གསུམ་ཙམ་བཞུགས། དེ་རྗེས་ཡབ་སྲས་གཞན་གཉིས་ཀྱིས་ཀྱང་ཐོག་རེ་བཞུགས་ཤིང༌། དེ་ནས་ཀུན་སྤངས་ཆོས་གྲགས་དཔལ་བཟང་ལ་སོགས་པ་དུ་མས་རིམ་ཅན་དུ་བཞུགས། ཁྱད་པར་ཀུན་མཁྱེན་དུས་གསུམ་སངས་རྒྱས་ཀྱིས་ཀྱང་ལོ་གཉིས་བཞུགས་ཤིང༌། དཔལ་དུས་ཀྱི་འཁོར་ལོའི་རྒྱུད་འགྲེལ་ཡོངས་སུ་རྫོགས་པའི་གཟབ་བཤད་ཐོག་མར་མཛད་པའི་གནས་ཡིན་ལ། ཡང་སྔོན་ཆོས་རྗེ་ཀུན་སྤངས་ཆེན་པོས་སློབ་དཔོན་རྣལ་འབྱོར་གྱི་དབང་ཕྱུག་བིརྺ་པ་དངོས་སུ་ཞལ་གཟིགས། ལམ་འབྲས་ཀྱི་འཁྲུགས་སྡེབ་པ་དང༌། རྡོ་རྗེའི་ཚིག་རྐང་གི་ཊཱི་ཀ་གྱིས་ཤིག་པར་ལུང་བསྟན་པ་ཡང་བརྙེས། ལམ་འབྲས་ཀྱི་བསྟན་བཅོས་རྣམས་ཀྱང་འདིར་མཛད་པར་གདའ་བས། སློབ་དཔོན་རྣལ་འབྱོར་གྱི་དབང་ཕྱུག་བིརྺ་པས་བྱིན་གྱིས་བརླབས་པའི་གནས་ཆེན་ཡང་ཡིན་ནོ། །