97122

སྔགས་དང་ཕྱག་རྒྱ་རྒྱུན་མི་གཅད་པ་སུམ་ཅུ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། སྔགས་དང་ཕྱག་རྒྱ་རྒྱུན་མི་གཅད་པ་སུམ་ཅུ་ནི། རྩ་བའི་དམ་ཚིག་བརྒྱ་དང་དྲུག་ཅུའི་ཡ་གྱལ་ཏེ། དཔལ་གསང་བ་སྙིང་པོའི་རྒྱུད་དོན་གསལ་བྱེད་མེ་ལོང་ལས། སྔགས་དང་ཕྱག་རྒྱ་རྒྱུན་མི་གཅད་པ་སུམ་ཅུ་ནི། ཕྱོགས་མཚམས་བཅིང་བ་འབར་བ་མཚམས་ཀྱི་སྔགས་དང་གཅིག འབྱུང་བ་རིམ་བརྩེགས་བསྐྱེད་པ་ལ་རྩ་སྔགས་དང་བསྐྱེད་སྔགས་གཉིས། རྟེན་གཞལ་ཡས་ཁང་བསྐྱེད་པ་ལ་རྩ་སྔགས་དང་བསྐྱེད་སྔགས་གཉིས་ཏེ་ལྔ། བརྟེན་པ་ལྷ་བསྐྱེད་པ་ལ་རྩ་བ་བསྐྱེད་པ་ལས་སྔགས་དང་གསུམ། དབང་བསྐུར་བ་དང་བྱིན་བསྡུ་བའི་སྔགས་གཉིས་ཏེ་ལྔ། སྤྱན་དྲངས་བ་དང་། བསྟིམ་པ་དང་། བརྟན་པར་བཞུགས་སུ་གསོལ་བ་དང་། ཕྱག་འཚལ་བ་དང་། མཆོད་པ་འབུལ་བའི་སྔགས་དང་ལྔ་སྟེ། དེ་ལྟར་སྔགས་ལ་བཅོ་ལྔ་དང་། ཞི་ཁྲོ་གཉིས་པོ་རེ་རེ་ལ་ཡང་དམ་ཚིག་དང་། ལས་དང་། ཆོས་དང་། སྐུའི་ཕྱག་རྒྱ་ཆེན་པོ་སྟེ། དེ་ཡང་དམ་ཚིག་གི་ཕྱག་རྒྱ་ལ་བཅའ་བ་དང་བསམ་པ་གཉིས། ལས་ཀྱི་ཕྱག་རྒྱ་ལ་བཅའ་བ་དང་བསམ་པ་གཉིས། ཆོས་ཀྱི་ཕྱག་རྒྱ་ལ་བརྗོད་པ་དང་བསམ་པ་གཉིས། དེ་ལྟར་ཞི་ཁྲོ་གཉིས་ལ་ཕྱག་རྒྱ་བདུན་བདུན་ཏེ་བཅུ་བཞི་དང་། ཞི་ཁྲོ་ཟུང་འཇུག་གི་སྐུ་དྲུག་པ་སྤྱིའི་གཟུགས་ཅན་དང་བཅོ་ལྔ་སྟེ། དྲིལ་བས་སྔགས་དང་ཕྱག་རྒྱ་རྒྱུན་མི་གཅད་པ་སུམ་ཅུའོ། །ཞེས་གསུངས་སོ། །
Domain	ཆོས་ལུགས།