97162

སྔགས་ལམ་གྱི་རྩ་བ་ (1)

Part of speech	མིང་ཚིག
Definition	སྡོམ་གསུམ། ས་སྐྱ། རྡོ་རྗེ་ཐེག་པའི་སྒོར་ཞུགས་ནས། །དབང་བསྐུར་ལས་གཞན་ཆོས་མེད་དོ། །ཞེས་ས་པཎ་གྱི་སྡོམ་གསུམ་རབ་དབྱེ་ལས་སོ། ། རྡོ་རྗེ་ཐེག་པའི་བླ་མེད་ཀྱི་སྒོར་ཞུགས་ནས། དབང་བསྐུར་བ་རྣམ་པ་བཞི་ལས་གཞན་པའི་ཆོས་མེད་དེ། སྦྱང་གཞིའི་ལུས་ཀྱང་དབང་བཞིའི་ཚུལ་དུ་གནས། དེ་ལ་རྡོ་རྗེ་སློབ་དཔོན་གྱིས་དབང་བཞི་བསྐུར། དེ་ཉིད་ལ་ལམ་གྱི་དུས་སུ་ཡང་དབང་བཞིའི་ཚུལ་དུ་བསྒོམ། འབྲས་བུའི་དུས་སུ་ཡང་དབང་བཞིའི་ཚུལ་དུ་འཚང་རྒྱ་བ་ཡིན་པས། རྒྱུ་ལ་འབྲས་བུའི་རྒྱས་བཏབ་ཅིང། འབྲས་བུ་ལ་རྒྱུའི་རྒྱས་གདབ་པའི་གནད་དམ་པ་རྣམས་འདིའི་སྐབས་སུ་ཤེས་པར་བྱ་དགོས་སོ། །དབང་བསྐུར་ལས་གཞན་པའི་གསང་སྔགས་ཀྱི་ཉམས་ལེན་མེད་པའི་དཔེ་ནི། ཐེག་པ་ཆེན་པོ་ཕ་རོལ་ཏུ་ཕྱིན་པ་ལ་སེམས་བསྐྱེད་མ་ཡིན་པའི་ཆོས་གཞན་མེད་པ་བཞིན་ཏེ། དེ་ལ་ཡང་ཐོག་མར་སེམས་བསྐྱེད་བླངས་པའི་ཚེ། སངས་རྒྱས་སྒྲུབ་པའི་ཐབས་ཁྱད་པར་ཅན་གྱི་ས་བོན་སེམས་ལ་བཏབ་པ་ཡིན་ཅིང། དེའི་ཚེ་ཉེས་སྤྱོད་སྤོང་བ་དང། དགེ་བ་ཆོས་སྡུད་དང། སེམས་ཅན་དོན་བྱེད་ཀྱིས་བསྡུས་པའི་བྱང་ཆུབ་སེམས་དཔའི་སྤྱོད་པ་རླབས་པོ་ཆེའི་ས་བོན་སེམས་ལ་བཏབ་པ་དེ་ཉིད་བསྲུང་ཞིང་འཕེལ་བར་བྱེད་པ་ལས་གཞན་པའི་ཐེག་པ་ཆེན་པོའི་ཆོས་ཅུང་ཟད་ཀྱང་མེད་པའི་ཕྱིར་རོ་ཞེས་ཀུན་མཁྱེན་གོ་རམས་པའི་སྡོམ་གསུམ་རྣམ་བཤད་གསུང་རབ་དགོངས་གསལ་ལས་སོ། །
Domain	ཆོས་ལུགས།