97624

སྙིང་པོ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་སྟེ། ༡ དེ་བཞིན་གཤེགས་པ་ཐམས་ཅད་ཀྱི་ཚུལ་གྱི་མཐུ་ཚད་མེད་པ་ཡོངས་སུ་བསྐྱེད་པའི་ཕྱིར། བྱང་ཆུབ་སེམས་དཔའ་རྣམས་ཀྱི་སྙིང་པོ་སངས་རྒྱས་ཀྱི་རིགས་རྒྱུན་མི་གཅོད་པར་ཀུན་ནས་གནས་པ། ༢ ཡེ་ཤེས་ཀྱི་སྣང་བ་ཆེན་པོ་ཡོངས་སུ་བསྟན་པའི་ཕྱིར། བྱང་ཆུབ་སེམས་དཔའི་སྙིང་པོ་ཆོས་ཀྱི་རིགས་རབ་ཏུ་གསལ་བར་བྱེད་པར་ཀུན་ནས་གནས་པ། ༣ ཕྱིར་མི་ལྡོག་པའི་འཁོར་ལོ་ལ་ཡང་དག་པར་གཞོལ་བར་བྱ་བའི་ཕྱིར། བྱང་ཆུབ་སེམས་དཔའ་རྣམས་ཀྱི་སྙིང་པོ་དགེ་འདུན་གྱི་རིགས་ཡོངས་སུ་སྡུད་པར་ཀུན་ནས་གནས་པ། ༤ དུས་ཇི་ལྟ་བ་བཞིན་ལུས་མི་འདའ་བར་བྱ་བའི་ཕྱིར་བྱང་ཆུབ་སེམས་དཔའ་རྣམས་ཀྱི་སྙིང་པོ་ཆོས་ཐམས་ཅད་ངེས་པར་གླེང་བ་བྱེད་པ། ༥ རྒྱུ་གཅིག་ནས་གཅིག་ཏུ་བརྒྱུད་པའི་རྒྱུན་མི་འཆད་པར་བྱ་བའི་ཕྱིར། བྱང་ཆུབ་སེམས་དཔའ་རྣམས་ཀྱི་སྙིང་པོ་ངེས་པ་མེད་པར་ཡོངས་སུ་སྨིན་པར་བྱེད་པར་གནས་པ། ༦ མ་འོངས་པའི་རྒྱུ་སྐྱོན་མེད་པར་བྱ་བའི་ཕྱིར། བྱང་ཆུབ་སེམས་དཔའ་རྣམས་ཀྱི་སྙིང་པོ་སེམས་ཅན་ལོག་པར་ངེས་པ་རྣམས་ལ་སྙིང་རྗེ་ཆེན་པོ་སྐྱེ་བར་ཀུན་ནས་གནས་པ། ༧ བདུད་ཀྱི་སྡེ་ཐམས་ཅད་བཏུལ་ཏེ། དགེ་བའི་རྩ་བ་མི་འཕྲོགས་པར་བྱ་བའི་ཕྱིར། བྱང་ཆུབ་སེམས་དཔའ་རྣམས་ཀྱི་སྙིང་པོ་དེ་བཞིན་གཤེགས་པའི་སྟོབས་བཅུ་ཐུབ་པ་མེད་པའི་རྒྱུ་ཡོངས་སུ་རྫོགས་པར་བྱེད་པར་ཀུན་ནས་གནས་པ། ༨ འགྲོ་བ་མ་ལུས་པ་ཐམས་ཅད་ཡོངས་སུ་ཚིམ་པར་བྱ་བའི་ཕྱིར། བྱང་ཆུབ་སེམས་དཔའ་རྣམས་ཀྱི་སྙིང་པོ་མི་འཇིགས་པ་ཆེན་པོའི་སེང་གེ་དང༌། ཁྱུ་མཆོག་གི་ང་རོ་འབྱིན་པར་ཀུན་ནས་གནས་པ། ༩ ཐམས་ཅད་དུ་ཡེ་ཤེས་ཡང་དག་པར་གཞོལ་བར་བྱ་བའི་ཕྱིར། བྱང་ཆུབ་སེམས་དཔའ་རྣམས་ཀྱི་སྙིང་པོ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་འཐོབ་པའི་ཕྱིར་ཀུན་ནས་གནས་པ། ༡༠ སྐད་ཅིག་གཅིག་ཏུ་མི་མཉམ་པ་མེད་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་སྙིང་པོ་ཞིང་ཐམས་ཅད་དང༌། ཆོས་ཐམས་ཅད་དང༌། སངས་རྒྱས་ཐམས་ཅད་མཉམ་པ་ཉིད་དུ་ཁོང་དུ་ཆུད་པར་གནས་པའོ། །
Domain	ཆོས་ལུགས།