97648

སྙིང་པོའི་རྫོགས་རིམ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། སྙིང་པོའི་རྫོགས་རིམ་ནི། བསྐྱེད་རྫོགས་ཅིག་ཆར་དུ་སྒོམ་པའི་ལམ་གྱི་བྱེ་བྲག་ཏུ་གསུངས་ཏེ། ཡིད་ཀྱི་མུན་སེལ་ལས། གཉིས་པ་ལམ་སོ་སོའི་རང་བཞིན་བྱེ་བྲག་ཏུ་བཤད་པ་ལ་གཉིས་ཏེ། བསྐྱེད་རྫོགས་ཅིག་ཆར་དུ་བསྒོམ་པ་དང་། རིམ་གྱིས་བསྒོམ་པའོ། །དང་པོ་ནི། སེམས་བསྐྱེད་པ་དང་། ཏིང་ངེ་འཛིན་གསུམ་བསྒོམ་པ་སྔོན་དུ་འགྲོ་བས། ཞི་ཁྲོ་གང་རུང་གི་དཀྱིལ་འཁོར་རྒྱས་བསྡུས་ཅི་རིགས་སུ་བསྒོམས་ནས་གྲོལ་ལམ་ལྟར་དེའི་ངང་ལ་སེམས་སྤྲོ་བསྡུ་མེད་པར་འཇོག་པ་རང་བྱུང་གི་རྫོགས་རིམ། རིམ་གྱིས་བསྡུས་ནས་མི་དམིགས་པར་བསྒོམ་པ་དེ་ཁོ་ན་ཉིད་ཀྱི་རྫོགས་རིམ་མམ། ཐབས་ལམ་གཉིས་གང་རུང་བསྒོམ་པ་སྙིང་པོའི་རྫོགས་རིམ་བསྒོམས་ཏེ། མཐར་སྒྱུ་མ་ལྟ་བུའི་ཚུལ་གྱིས་བསྔོ་བ་བྱེད་པ་ནི་གདན་ཐོག་གཅིག་ཏུ་རྫོགས་པར་བྱེད་པས། སངས་རྒྱས་ཀྱི་ཆོས་ཐམས་ཅད་ཅིག་ཆར་ཉིད་དུ་བསྒོམ་པ་སྟེ། ཞི་བ་རིན་པོ་ཆེའི་དྲྭ་བ་དང་། ཁྲོ་བོ་དམ་པ་རྒྱན་གྱི་སྒྲུབ་ཐབས་ལྟར་ཤེས་པར་བྱའོ། །ཞེས་གསུངས་སོ། །
Domain	ཆོས་ལུགས།