97696

སྙིང་རྗེ་ (1)

Part of speech	མིང་ཚིག
Definition	གཞན་གྱི་སྡུག་བསྔལ་དང་གནས་སྟངས་ངན་པ་མཐོང་ནས་དེ་ལ་གདུང་སེམས་མཉམ་བསྐྱེད་ཀྱི་བསམ་བློ།
Example	ནད་པར་སྙིང་རྗེ་སྐྱེས་པ། དབུལ་ཕོངས་ལ་སྙིང་རྗེ་བྱེད་པ། ཉམ་ཐག་ལ་སྙིང་རྗེ་བྱེད་པ་ལྟ་བུ།

སྙིང་རྗེ་ (2)

Part of speech	མིང་ཚིག
Definition	མདོ། ཐུགས་རྗེ་ཆེན་པོ་ནི། སེམས་ཅན་སྡུག་བསྔལ་ཅན་རྣམས་ཡོངས་སུ་སྐྱོབ་པར་འདོད་པའི་མཚན་ཉིད་ཅན་ནོ། །ཞེས་དང་། ཡང་དམིགས་པ་དང་རྣམ་པའི་མཚན་ཉིད་ཅན་གྱི་སྙིང་རྗེའི་སེམས། དབྱེ་བར། སེམས་ཅན་ལ་དམིགས་པའི་སྙིང་རྗེ་དང། །ཆོས་ལ་དམིགས་པའི་སྙིང་རྗེ་དང་། །དམིགས་པ་མེད་པའི་སྙིང་རྗེའོ། །ཞེས་རྗེ་བཙུན་རེད་མདའ་བའི་དབུ་འཇུག་རྣམ་བཤད་ལས་སོ། ། སྡུག་བསྔལ་ཅན་རྣམས་ཡོངས་སྐྱོབ་པ། །སྙིང་རྗེ་ཆེན་པོ་ཞེས་བྱའོ། །ཞེས་འབྱུང་བ་ལྟར། སྡུག་བསྔལ་ལས་སྐྱོབ་པར་འདོད་པའི་རྣམ་པ་ཅན་ནོ། །སེམས་ཅན་དང་། ཆོས་དང་། དམིགས་པ་མེད་པའི་སྙིང་རྗེ་གསུམ་མོ། །ཞེས་ཀུན་མཁྱེན་གོ་རམས་པའི་འཇུག་པའི་དཀའ་འགྲེལ་ལས་སོ། ། འདིར་དངོས་བསྟན་གྱི་སྙིང་རྗེ་ཡིན་ན་རང་གི་དམིགས་ཡུལ་དུ་གྱུར་པའི་སེམས་ཅན་སྡུག་བསྔལ་ལས་སྐྱོབ་པར་འདོད་པའི་རྣམ་པ་ཅན་གྱི་སེམས་བྱུང་སྙིང་རྗེ་ཡིན་པས་ཁྱབ་བོ། །ཞེས་མཁན་ཆེན་ངག་ཆོས་ཀྱིས་དབུ་འཇུག་སྤྱི་དོན་ལས་གསུངས་སོ། །
Domain	ཆོས་ལུགས།

སྙིང་རྗེ་ (1)

Part of speech	གྲངས་ཚིག
Definition	གྲངས་གནས་དྲུག་ཅུའི་ནང་གི་ང་བཞི་པ་སྟེ་བྱམས་པ་ཆེན་པོ་བཅུའོ། །