9773

གཟུགས་ཁམས་གནས་རིས་བཅུ་བདུན་ (1)

Part of speech	མིང་ཚིག
Definition	གཟུགས་ཁམས་བཞི་ཡི་ནང་གསེས་ཕྱེ་བའི་དབྱེ་བ་རྣམས་ཏེ། བསམ་གཏན་དང་པོའི་ས་ནི་གསུམ་སྟེ། ཚངས་རིས། ཚངས་པའི་མདུན་ན་འདོན། ཚངས་པ་ཆེན་པོའོ། །བསམ་གཏན་གཉིས་པའི་ས་གསུམ་སྟེ། འོད་ཆུང་། ཚད་མེད་འོད། འོད་གསལ་ལོ། །བསམ་གཏན་གསུམ་པའི་ས་ནི་གསུམ་སྟེ། དགེ་ཆུང་། ཚད་མེད་དགེ ། དགེ་རྒྱས་རྣམས་སོ། །བསམ་གཏན་བཞི་པའི་ས་ནི་བརྒྱད་ཡིན་ཏེ། སྤྲིན་མེད། བསོད་ནམས་སྐྱེས། འབྲས་བུ་ཆེ་བ། མི་ཆེ་བ། མི་གདུང་བ། གྱ་ནོམ་སྣང་བ། ཤིན་ཏུ་མཐོང་བ། འོག་མིན་རྣམས་སོ། ། ཁ་ཆེ་བ་རྣམས་ན་རེ། བཅུ་དྲུག་ཡིན་ཏེ། ཚངས་པའི་མདུན་ན་འདོན་ཁོ་ན་དག་ན་ཚངས་པ་ཆེན་པོའི་གནས་མཆོག་ཏུ་གྱུར་པ་གཙོ་བོ་གཅིག་པ་ཅན་ཅིག་སྤགས་པ་བཞིན་དུ་མངོན་པར་གྲུབ་ཀྱི་ས་གཞན་ནི་མེད་དོ་ཟེར་རོ། །བསམ་གཏན་གནས་རིས་བཅུ་བདུན་ཡང་ཟེར།
Domain	ཆོས་ལུགས།