97886

སྙོམས་འཇུག་གི་གྲངས་ངེས་ (1)

Part of speech	མིང་ཚིག
Definition	གྲངས་ངེས་ནི། སོ་སོ་སྐྱེ་བོའི་རྒྱུད་ཀྱི་སྙོམས་འཇུག་དེ་ལ་བསམ་གཏན་གྱི་སྙོམས་འཇུག་དང་། གཟུགས་མེད་ཀྱི་སྙོམས་འཇུག་གཉིས་སུ་གྲངས་ངེས་ཏེ། སོ་སོ་སྐྱེ་བོ་རྣམས་ནི་རྩོད་པའི་རྩ་བ་ལས་ངེས་པར་འབྱུང་བའི་ཕྱིར་དུ་སྙོམས་པར་འཇུག་པ་ཡིན་ཅིང་། རྩོད་པའི་རྩ་བ་དེ་ལ། ཚོར་བ་དང་། འདུ་ཤེས་གཉིས་སུ་ངེས་ལ། ཚོར་བས་ངེས་པར་འབྱུང་བའི་དབང་དུ་བྱས་ནས་བསམ་གཏན། འདུ་ཤེས་ཀྱིས་ངེས་པར་འབྱུང་བའི་དབང་དུ་བྱས་ནས་གཟུགས་མེད་ཀྱི་སྙོམས་འཇུག་བཞག་པའི་ཕྱིར་རོ། །རྩོད་པའི་རྩ་བ་ལ་གཉིས་སུ་ངེས་ཏེ། ཁྱིམ་པ་རྣམས་ནི་ཚོར་བ་བདེ་སྡུག་གི་དབང་གིས་རྩོད་པར་བྱེད། རབ་ཏུ་བྱུང་བ་རྣམས་ནི་འདུ་ཤེས་ཕྱིན་ཅི་ལོག་མ་ལོག་གི་དབང་གིས་རྩོད་པར་བྱེད་པའི་ཕྱིར་ཏེ། མཛོད་ལས། རྩོད་པའི་རྩ་བར་གྱུར་པ་དང་། །འཁོར་བའི་རྒྱུ་ཕྱིར་རིམ་རྒྱུའི་ཕྱིར། །སེམས་བྱུང་རྣམས་ལས་ཚོར་བ་དང་། །འདུ་ཤེས་ལོགས་ཤིག་ཕུང་པོར་བཞག ། ཅེས་གསུངས་པའི་ཕྱིར། ཚོར་བས་ངེས་པར་འབྱུང་བའི་དབང་དུ་བྱས་ནས་བསམ་གཏན་གྱི་སྙོམས་འཇུག་དེ་ལ་ཡང་བཞིར་ངེས་ཏེ། ཚོར་བ་དེ་ལ་སྡུག་བསྔལ་དང་། བདེ་བ་གཉིས། དེ་གཉིས་ལ་རགས་པ་དང་ཕྲ་བ་གཉིས་གཉིས་ཏེ་བཞི་ཡོད་ཅིང་། དེ་དག་ལས་རིམ་གྱིས་ངེས་པར་འབྱུང་བའི་དབང་དུ་བྱས་ནས་བསམ་གཏན་གྱི་སྙོམས་འཇུག་བཞི་པོ་རིམ་པ་བཞིན་དུ་བཞག་པའི་ཕྱིར་རོ་ཞེས་ཀུན་མཁྱེན་གོ་རམས་པའི་སྙོམས་འཇུག་རབ་གསལ་ལས་སོ། །
Domain	ཆོས་ལུགས།