97891

སྙོམས་འཇུག་གི་རྒྱུ་ (1)

Part of speech	མིང་ཚིག
Definition	མདོ། མངོན་པ། རྒྱུ་དང་། ལས་དང་། ཆོས་ཉིད་དང་། ཐོས་པ་དང་། མན་ངག་གི་སྟོབས་ཀྱིས་སྐྱེ་བ་དང་ལྔ་ལས། དང་པོ་ནི། སྔར་སྙོམས་འཇུག་གོམས་པར་བྱས་པ་ཉམས་པ་འདོད་ཁམས་སུ་སྐྱེས་པ་ཡིན་ན་སླར་ཡང་ཚེ་དེ་ཉིད་ལ་ཉེར་བསྡོགས་བསྒོམ་པ་ལ་མི་ལྟོས་པར་རྐྱེན་ཅུང་ཟད་ཙམ་གྱིས་གསོས་བཏབ་ནས་སྐྱེ་བ་ལྟ་བུའོ། །གཉིས་པ་ནི། ཁམས་གོང་མ་འཕེན་བྱེད་ཀྱི་རྒྱུ་ཉེ་བར་གནས་པ་ལས། བྱམས་པའི་སེམས་ཀྱིས་གསོས་བཏབ་ནས་སྐྱེ་བ་ལྟ་བུའོ། །དེ་ཡང་གོང་མ་འཕེན་བྱེད་ཀྱི་ལས་དེ་བྱམས་པའི་སེམས་ཀྱིས་གསོས་བཏབ་ནས་སྙོམས་འཇུག་སྐྱེ་བའི་དབང་གིས་ཁམས་གོང་དུ་སྐྱེ་བ་ཡིན་གྱི་བྱམས་པའི་སེམས་ཁོ་ནས་སྐྱེ་བ་ནི་མ་ཡིན་ཏེ། འོག་ས་ལ་འདོད་ཆགས་དང་མ་བྲལ་བར་གོང་མར་སྐྱེ་བ་མེད་པའི་ཕྱིར་རོ། །གསུམ་པ་ནི་བསྐལ་པ་འཇིག་པའི་ཚེ་ལྟ་བུ་སྟེ། བསམ་གཏན་དང་པོ་མན་ཆད་མེས་འཇིག་པ་ལ་ཉེ་བའི་ཚེ། ངན་སོང་གི་སེམས་ཅན་ལས་མ་ཟད་པ་རྣམས་འཇིག་རྟེན་གྱི་ཁམས་གཞན་གྱིས་སེམས་ཅན་དུ་སྐྱེ། ལས་ཟད་པ་རྣམས་གླིང་གསུམ་གྱི་མིར་སྐྱེས་ཏེ་འཛམ་བུ་གླིང་པའི་མི་གང་ཡང་རུང་བ་གཅིག་གི་རྒྱུད་ལ་བསམ་གཏན་དང་པོའི་སྙོམས་འཇུག་ཆོས་ཉིད་ཀྱི་སྟོབས་ཀྱིས་སྐྱེ་ཞིང་དེ་ལས་ལངས་མ་ཐག་ཏུ་ཀྱེ་མ་དབེན་པ་ལས་སྐྱེས་པའི་དགའ་བ་དང་བདེ་བ་ནི་བདེ་བའོ། །དབེན་པ་ལས་སྐྱེ་བའི་དགའ་བ་དང་བདེ་བ་ནི་ཞི་བའོ། །ཞེས་ཟེར་ཞིང་ཚིག་དེ་ཉིད་ཀྱིས་རྐྱེན་བྱས་ནས་གླིང་གསུམ་གྱི་མི་གཞན་རྣམས་ཀྱི་རྒྱུད་ལ་ཡང་སྙོམས་འཇུག་སྐྱེས་ཏེ་བསྒོམ་པ་ལ་བརྟེན་ནས་བསམ་གཏན་དང་པོར་སྐྱེའོ། །དེ་བཞིན་དུ་སྒྲ་མི་སྙན་པའི་མི་རྣམས་འདོད་ལྷར་སྐྱེ་ཞིང་འདོད་ལྷའི་རྟེན་ལ་བསམ་གཏན་དང་པོའི་སྙོམས་འཇུག་ཆོས་ཉིད་ཀྱི་སྟོབས་ཀྱིས་སྐྱེ་བ་ལ་བརྟེན་ནས་དེ་དག་ཀྱང་བསམ་གཏན་དང་པོར་སྐྱེའོ། །བསམ་གཏན་དང་པོའི་རྟེན་ལ་བསམ་གཏན་གཉིས་པའི་སྙོམས་འཇུག་ཆོས་ཉིད་ཀྱིས་སྐྱེ་བ་ལ་བརྟེན་ནས་དེ་དག་བསམ་གཏན་གཉིས་པར་སྐྱེའོ། །བསམ་གཏན་གཉིས་པ་མན་ཆད་ཆུས་འཇིག་པ་ལ་ཉེ་བའི་ཚེ་བསམ་གཏན་གསུམ་པ་མན་ཆད་ཀྱི་སྙོམས་འཇུག་ཆོས་ཉིད་ཀྱི་སྟོབས་ཀྱིས་སྐྱེ་བ་སོགས་ཀྱང་ཤེས་པར་བྱའོ། །གཟུགས་མེད་ཀྱི་སྙོམས་འཇུག་ཆོས་ཉིད་ཀྱིས་སྐྱེ་བ་ནི་མེད་དེ། སྣོད་འཇིག་པའི་དབང་གིས་གཟུགས་མེད་དུ་སྐྱེ་བ་མེད་པའི་ཕྱིར་ཏེ། བསམ་གཏན་བཞི་པ་ལ་མེ་ཆུ་རླུང་གསུམ་གྱི་འཇིག་པ་མེད་པའི་ཕྱིར་རོ། །བཞི་པ་ནི། རང་ཉིད་ཀྱིས་སྙོམས་འཇུག་གི་དབང་དུ་བྱས་པའི་གསུང་རབ་མང་དུ་ཐོས་པའི་སྟོབས་ཀྱིས་སྙོམས་འཇུག་ཐོབ་པའི་ཐབས་ཤེས་ནས་བསྒོམས་པ་ལྟ་བུ་སྟེ། དབང་རྣོན་ཆོས་ཀྱི་རྗེས་འབྲང་གི་ལུགས་ཡིན་ནོ། །ལྔ་པ་ནི་སློབ་དཔོན་གཞན་གྱི་མན་ངག་ལ་བརྟེན་ནས་སྐྱེ་བ་སྟེ། དེ་ནི་དབང་རྟུལ་དད་པའི་རྗེས་འབྲངས་ཀྱི་ལུགས་སོ་ཞེས་ཀུན་མཁྱེན་གོ་རམས་པའི་སྙོམས་འཇུག་རབ་གསལ་ལས་སོ། །
Domain	ཆོས་ལུགས།

{{#arraymap:སྙོམས་འཇུག་གི་རྒྱུ་

|; |@@@ | | }}