97902

སྙོམས་འཇུག་ལས་ལྡང་བའི་ཚེ་ (1)

Part of speech	མིང་ཚིག
Definition	མདོ། མངོན་པ། ཚེ་དྲུག་གི་ནང་གསེས་ཤིག་སྟེ། མཆིམས་འཇམ་པའི་དབྱངས་ཀྱིས། སྙོམས་འཇུག་ལས་ལྡང་བའི་ཚེ་ནི་གོང་མའི་དགེ་བ་སྦྱོར་བྱུང་དང་ཟག་མེད་གཉིས་ཀྱི་མཇུག་ཐོགས་སུ་འོག་མའི་དགེ་བ་འབྱུང་བ་ནི་འདོད་པའི་དགེ་བ་གཉིས་ཀ་དང་། ཁམས་གོང་མ་གཉིས་ཀྱི་དགེ་བ་སྦྱོར་བྱུང་ཁོ་ན་འབྱུང་བ་ཉིད་དུ་ངེས་སོ། །སྤྲུལ་པ་ལ་འཇུག་པའི་ཚེ་ནི་དག་དང་རང་ལས་དེ་ལས་གཉིས་ཞེས་འབྱུང་བས་གཟུགས་ཀྱི་དགེ་བ་སྦྱོར་བྱུང་གི་རྗེས་སུ་འདོད་པའི་སྤྲུལ་སེམས་དང་གཟུགས་ཀྱི་སྤྲུལ་སེམས་ལུང་མ་བསྟན་གཉིས་ཁོ་ན་འགྱུར་རོ། །སྤྲུལ་པ་ལས་ལྡང་བའི་ཚེ་ནི་སེམས་གཉིས་པོ་དེའི་མཇུག་ཐོགས་སུ་གཟུགས་ཀྱི་དགེ་བ་སྦྱོར་བྱུང་འབྱུང་སྟེ། སྤྲུལ་པ་ལས་ལངས་ནས་བསམ་གཏན་གྱི་སེམས་མངོན་དུ་བྱེད་པའི་ཕྱིར་རོ། །སྤྲུལ་པ་ལས་འཇུག་པ་ནི་སྙོམས་འཇུག་ལས་ལྡང་བ་དང་། སྤྲུལ་པ་ལས་ལྡང་བ་ནི་སྙོམས་པར་འཇུག་པ་ཡིན་པའི་ཕྱིར་ཚེ་ལོགས་སུ་མ་བཤད་དོ་ཞེས་འདོད་མོད་ཀྱི་ལོགས་སུ་བྱས་ཏེ་ཚེ་བརྒྱད་དུ་བྱས་ན་འཇུག་པ་བདེ་བར་སྣང་ངོ་། །ཞེས་གསུངས་སོ། །
Domain	ཆོས་ལུགས།