97989

སྟག་རི་གཉན་གཟིགས་ (1)

Part of speech

མིང་ཚིག

Definition

བོད་བཙན་པོའི་རྒྱལ་རབས་སྐབས་ཀྱི་བཙན་པོའམ་རྒྱལ་པོ་ཞིག་སྟེ། སྟག་བུ་སྙ་གཟིགས་ཀྱང་ཟེར། འབྲོང་གཉན་ལྡེ་རུ་དང་མཆིམས་བཟའ་ཀླུ་རྒྱལ་ངན་བུ་མཚོ་གཉིས་ཀྱི་སྲས། དམུས་ལོང་དཀོན་པ་བཀྲ་ཤིས་ཞེས་བྱ་བ་དེ་ཡིན། བོད་རྒྱལ་གདུང་རབས་སོ་གཅིག་པ་ཡིན་ལ། ཕྱིས་སུ་ཕའི་ཁ་ཆེམས་བཞིན་དུ་གཉན་པོ་གསང་བ་མཆོད་ཅིང༌། འ་ཞའི་ཡུལ་ནས་སྨན་པ་ཞིག་བོས་ནས། མིག་ལ་སྨན་དཔྱད་བྱས་པས་མིག་ཕྱེ་སྟེ། སྐྱིད་ཤོད་སྟག་མོའི་རི་ལ་གཉན་འདུག་པ་གཟིགས་པས། སྟག་རི་གཉན་གཟིགས་སུ་གྲགས། འདིའི་རིང་ལ་འ་ཞ་ལ་སོགས་པའི་རྒྱལ་ཁབ་ཆུང་བ་མང་པོ་ཞིག་དང༌། ཉང་སྦས་གནོན་གསུམ་འབངས་སུ་ཆུད། བྲེ་དང་སྲང་བཅོས་ནས་ཚོང་ཁྲོམ་སོགས་དར་རྒྱས་བྱུང་ཞེས་བཤད་དོ། །