98007

སྟག་ལུང་ཉེ་སྲས་བཅོ་བརྒྱད་ (1)

Part of speech	མིང་ཚིག
Definition	སྟག་ལུང་ཐང་པ་བཀྲ་ཤིས་དཔལ་གྱི་སློབ་མ་ཉེ་བའི་སྲས་བཅོ་བརྒྱད་དུ་གྲགས་པ་སྟེ། ༡ རྒྱ་གར་རྡོ་རྗེ་གྱི་མཁན་པོ་མ་ཡོ་སྒོམ་ནག ༢ རུ་ཐོག་ཏུ་ཀོང་པོ་སྒོམ་ནག་གིས་གྲྭ་པ་བརྒྱ་ཙམ་སྐྱོང། ༣ སིང་གྷ་ལའི་གླིང་ན་བླ་མ་ལྷུག་གིས་གྲྭ་པ་སུམ་བརྒྱ་སྐྱོང། ༤ གནས་ཆེན་ཛ་ལན་དྷ་རར་སྒོམ་པ་མ་ཎི་བས་གྲྭ་པ་བདུན་ཅུ་རེ་སྐྱོང། ༥ ནུབ་ཕྱོགས་ཨུ་རྒྱན་དུ་གྲགས་པ་རྒྱལ་མཚན་སྦས་པའི་རྣལ་འབྱོར་དུ་བཞུགས། ༦ ཨ་སུ་རའི་བྲག་ཕུག་ཏུ་བླ་མ་མང་དཀར་བའམ་ག་ཞར་གྲགས་པ། ༧ བལ་ཡུལ་དུ་རུ་པོ་གྲུབ་ཐོབ། ༨ སྐྱིད་རོང་དུ་ལྡན་མ་ལྷ་ཆེན་པོ། ༩ རིའུ་སྒང་ན་གྲུབ་ཐོབ་རིའུ་སྒང་པ། ༡༠ བྲག་དཀར་རྟ་སོར་རྟོགས་ལྡན་རྣ་རལ་བས་གྲྭ་པ་བདུན་ཅུ་སྐྱོང། ༡༡ ལ་སྟོད་ཐང་ཆུང་ན་རིན་པོ་ཆེ་དབུས་པ་བྱ་བས་གྲྭ་པ་བདུན་ཅུ་རེ་སྐྱོང། ༡༢ གཙང་རོང་ན་རྟོགས་ལྡན་ཞྭ་ནག་པ། ༡༣ སྙི་མོ་ན་ཆེར་སྟོན་ཞིག་པོས་གྲྭ་པ་ཉི་ཤུ་རེ་སྐྱོང། ༡༤ སྟོད་ལུང་ན་མཆོད་གནས་དཀར་པོ། ༡༥ ཡར་ལུང་ན་མར་སྒོམ་བསོད་ནམས་དཔལ། ༡༦ འདམ་ན་འབའ་པ་རྒྱལ་ཁྲི། ༡༧ དཔལ་ཆུ་བོ་རི་ན་སངས་རྒྱས་སྒོམ་རས་ཀྱིས་གྲྭ་པ་བདུན་བརྒྱ་རེ་སྐྱོང། ༡༨ སྤྱན་སྔ་ན་དབུ་མ་པ་ཆེན་པོ་ཤེས་རབ་རྒྱན་མཚན་གྱིས་ཞགས་འབྲིང་གི་དམ་པ་མཛད་པ་སྟེ་བཅོ་བརྒྱད་དོ། །
Domain	ལོ་རྒྱུས།

{{#arraymap:སྟག་ལུང་ཉེ་སྲས་བཅོ་བརྒྱད་

|; |@@@ | | }}