98282

སྟོང་ཉིད་ཀ་ར་དགོན་ (1)

Part of speech

མིང་ཚིག

Definition

སྒ་དྲུག་གི་ཆར་གཏོགས་སྤོ་འབོར་སྒང་། ཁམས་འདབ་པ་སྟོང་ཉིད་སྡེ་པའི་ནང་ཚན་ཀ་ར་གྲོང་དུ་ཆགས་ཡོད་པའི་སྟག་ལུང་བཀའ་བརྒྱུད་པའི་གྲུབ་མཐའ་འཛིན་པའི་དགོན་པ་ཞིག་ཡིན། སྟག་ལུང་པའི་གདན་རབས་བཅུ་གཅིག་པ་གར་དབང་བྱང་ཆུབ་རྒྱ་མཚོས་དུས་རབས་བཅུ་བཞི་པའི་སྟོད་ཙམ་དུ་ཕྱག་བཏབ་ཅིང་མིང་ལ་སྟོང་ཉིད་ཀ་ར་རཏྣ་གླིང་ཞེས་བཏགས་པར་གྲགས། སྔོན་དུས་སུ་འདུས་པའི་གྲངས་བརྒྱ་ལྷག་ཙམ་ཡོད་པ་དང་། དུས་འགྱུར་གོད་ཆགས་ཁྲོད་རྩ་གཏོར་ཐེབ་མོད ། དེང་སྐབས་བསྐྱར་བཞེངས་བྱེད་བཞིན་པ་དང་། དགེ་འདུན་པ་བཅུའི་སྐོར་ཞིག་དང་མཆོད་སྡེ་ཁྱིམ་དུད་བདུན་བརྒྱ་ལྷག་ཙམ་ཡོད་འདུག་ཅིང་། མ་ཟད་དགོན་འདིའི་བུ་དགོན་དུ་གྱུར་པའི་བཀྲ་ཤིས་བསྒྲུབ་བརྒྱུད་ཆོས་གླིང་ཞེས་པའི་རི་ཁྲོད་དགོན་དེ་ཡང་བླ་མ་རྒྱལ་མཚན་རིན་པོ་ཆེས་དེང་སྐབས་བསྐྱར་བཞེངས་མཛད་བཞིན་ཡོད་འདུག

{{#arraymap:སྟོང་ཉིད་ཀ་ར་དགོན་

|; |@@@ | | }}