98294

སྟོང་ཉིད་བསྟན་པའི་སྣོད་ (1)

Part of speech	མིང་ཚིག
Definition	མདོ། དབུ་མ། རྟེན་ཅིང་འབྲེལ་བར་འབྱུང་བ་སྟོན་པའི་བསྟན་བཅོས་དེ་ཡང་སྔོན་སྟོང་པ་ཉིད་ཐོས་པའི་ས་བོན་བཞག་པ་རྣམས་ལ་བསྟན་པར་བྱའི་གཞན་དག་ལ་ནི་མ་ཡིན་ཏེ། འགའ་ཞིག་ནི་སྟོང་པ་ཉིད་སྤངས་ནས་ངན་འགྲོར་འགྲོ་བར་འགྱུར། འགའ་ཞིག་ནི་སྟོང་པ་ཉིད་ཀྱི་དོན་མེད་པར་བཟུང་ནས་ལོག་པར་ལྟ་བ་འཕེལ་བར་བྱེད་པའི་ཕྱིར་རོ། །དེ་བས་ཉན་པ་པོའི་ཁྱད་པར་ངེས་པར་བྱས་ནས་བཤད་པར་བྱའོ། །ཁྱད་པར་ངེས་པར་མི་ནུས་སོ་ཞེ་ན། ཕྱི་རོལ་གྱི་མཚན་མ་ལས་ངེས་པར་བསྟན་པ་ནི། སོ་སོ་སྐྱེ་བོའི་དུས་ནའང་གཞན་ལས་སྟོང་པ་ཉིད་ཀྱི་ལྟ་བ་ཐོས་ནས་ནང་དུ་སྟོང་ཉིད་ཐོས་པའི་རབ་ཏུ་དགའ་བ་ཡང་དང་ཡང་དུ་འབྱུང་ཞིང་རང་ཉིད་ཀྱིས་སྟོང་ཉིད་རྟོགས་པའི་རབ་ཏུ་དགའ་བ་དང། སྟོང་ཉིད་མ་རྟོགས་པ་ལ་དམིགས་པའི་སྙིང་རྗེའི་རྗེས་སུ་འགྲོ་བའི་མཆི་མས་མིག་བརླན་ཅིང་ལུས་ཀྱི་དད་པའི་བ་སྤུ་ལྡང་བར་གྱུར་པ་གང་ཡིན་པ་དེ་ལ་རྫོགས་པའི་སངས་རྒྱས་ཀྱི་བློ་རྣམ་པ་ཐམས་ཅད་མཁྱེན་པའི་ས་བོན་ཡོད་པས་དེ་ཁོ་ན་ཉིད་ཉེ་བར་བསྟན་པའི་སྣོད་ཡིན་ནོ། །ཞེས་ཀུན་མཁྱེན་རོང་སྟོན་གྱིས་དབུ་འཇུག་རྣམ་བཤད་ལས་གསུངས་སོ། ། སྤྱིར་སྟོང་པ་ཉིད་ཀྱི་ལྟ་བ་སྟོན་པའི་ཡུལ་ལ་གསུམ་སྟེ། ཕྱི་ནང་གི་དངོས་པོར་སྨྲ་བའི་གྲུབ་མཐའ་ཁས་ལེན་པ་ལ། ཐལ་འགྱུར་གྱི་རིགས་པས་ལོག་རྟོག་བཅོམ་པའི་སྒོ་ནས་བསྟན་པར་བྱ་བ་དང། ལས་དང་པོ་པ་བློ་རིམ་གྱིས་སྦྱངས་ནས་བསྟན་པར་བྱ་བ་དང། ཐེག་ཆེན་གྱི་རིགས་སད་པ་ལ་དང་པོ་ཉིད་ནས་བསྟན་པར་བྱ་བ་རྣམས་སོ། །དང་པོ་ནི་སློབ་དཔོན་འདིས་གྲངས་ཅན་པས་མྱུ་གུ་ཡོད་པ་བདག་ལས་སྐྱེ་བར་ཁས་བླངས་པ་ལ་སྐྱེ་བ་དོན་མེད་དུ་ཐལ་སོགས་ཀྱི་གནོད་བྱེད་བརྗོད་པས་བདག་ལས་སྐྱེ་བའི་ལོག་རྟོག་བཟློག། མྱུ་གུ་རང་བཞིན་གྱིས་སྐྱེ་བའི་སྒྲུབ་བྱེད་ཀྱང་བདག་སྐྱེ་ལས་གཞན་མ་མཐོང་བས་རང་བཞིན་སྐྱེ་མེད་ཀྱི་དོན་རྟོགས་པར་གསུངས་པ་ལྟ་བུ་སྟེ་ཆོས་དང་གང་ཟག་བདེན་པར་གྲུབ་པའི་སྒྲུབ་བྱེད་འགོད་པའི་དངོས་པོ་སྨྲ་བ་ཐམས་ཅད་ལའང་དེ་བཞིན་ནོ། ། གཉིས་པ་ནི། གྲུབ་མཐའ་ལ་མ་ཞུགས་པའི་ལས་དང་པོ་པར་དལ་འབྱོར་རྙེད་དཀའ་སོགས་ཀྱིས་བློ་རིམ་གྱིས་སྦྱངས་ནས་ཕྱིས་སྟོང་ཉིད་སྟོན་དགོས་པར་གྲུབ་བོ། ། གསུམ་པ་ནི། རིན་ཆེན་ཕྲེང་བར། ཟབ་མོ་འཁུ་འཕྲིག་ཅན་འཇིགས་པ། །བྱང་ཆུབ་སྒྲུབ་པ་ཁ་ཅིག་ལའོ་ཞེས་དང། འཁུ་འཕྲིག་དོན། གཞུང་འདིར་བཤད་པའི་ལུས་ངག་གི་མཚན་མ་སྟེ། དེ་དང་ལྡན་པ་རྣམས་སོ། །ཞེས་ཀུན་མཁྱེན་གོ་རམས་པའི་འཇུག་པའི་དཀའ་འགྲེལ་ལས་གསུངས་སོ། །
Domain	ཆོས་ལུགས།