98301

སྟོང་དང་པོ་སྤྱི་ཕུད་ (1)

Part of speech	མིང་ཚིག
Definition	མདོ། མངོན་པ། གླིང་བཞི་པ་དང་ཉི་མ་དང་། །རི་རབ་དང་ནི་འདོད་ལྷ་དང་། །ཚངས་པའི་འཇིག་རྟེན་སྟོང་ལ་ནི། །སྟོང་ནི་སྤྱི་ཕུད་ཡིན་པར་འདོད། །ཅེས་གསུངས་ཤིང་། ཚངས་པའི་འཇིག་རྟེན་ནི་བསམ་གཏན་དང་པོའོ་ཞེས་སློབ་དཔོན་རྒྱལ་པོའི་སྲས་དང་། ཨ་བྷྱ་འཆད་ལ། ཁ་ཅིག མི་དགེ་བ་ལས་ཚངས་པས་ན་གཟུགས་ཁམས་པ་ཀུན་ཡིན་ཏེ། ཕལ་པོ་ཆེར་སྟོང་གསུམ་ལ་འོག་མིན་བྱེ་བ་ཕྲག་བརྒྱ་ཡོད་པར་བཀའ་སྩལ་པས་སོ་ཞེས་གསུངས། དཔང་ལོས་དེ་དག་གདུལ་བྱའི་བསམ་པ་དང་མཐུན་པའི་མདོ་སོ་སོའི་བཤད་པར་མངོན་ནོ་ཞེས་བཤད་དོ། །འདི་ལ་ཆུ་དང་རླུང་གིས་འཇིག་ཚུལ་དང་བསྟུན་ན་ཕལ་པོ་ཆེའི་མདོ་ལྟར་དག་གམ་སྙམ་མོ་ཞེས་ཀུན་མཁྱེན་གོ་རམས་པའི་ངོ་མཚར་གསུམ་ལྡན་ལས་སོ། །
Domain	ཆོས་ལུགས།