98308

སྟོང་པ་ (1)

Part of speech	མིང་ཚིག
Definition	མདོ། མངོན་པ། བྱེ་བྲག་སྨྲ་བ། སྡུག་བསྔལ་བདེན་པའི་རྣམ་པ་བཞིའི་ནང་གསེས་ཤིག་སྟེ། དེ་ཡང་འདུས་བྱས་སུ་འདོད་དེ། མཆིམས་མཛོད་ལས། གལ་ཏེ་དེ་བཞིན་ཉིད་ཀྱང་འདུས་མ་བྱས་མ་ཡིན་ནམ་ཅིའི་ཕྱིར་རྣམ་པ་གསུམ་དུ་བརྗོད་ཅེ་ན། དེ་བཞིན་ཉིད་ནི་བདག་མེད་པ་ལ་འདོད་ན་ཆོས་ཀྱི་བདག་མེད་ནི་སྡེ་པ་དག་གིས་མི་འདོད་ལ། གང་ཟག་གི་བདག་མེད་ནི་བདེན་བཞིའི་མི་རྟག་པ་ལ་སོགས་པ་རྣམ་པ་བཅུ་དྲུག་ལ་འདོད་པས་ན། འགོག་བདེན་གྱི་རྣམ་པ་རྣམས་ནི་སོ་སོར་བརྟགས་འགོག་གི་ངོ་བོ་ཉིད་ཡིན་ལ། བདེན་པ་གསུམ་གྱི་རྣམ་པ་རྣམས་ནི་འདུས་བྱས་ཀྱི་བདག་ཉིད་ཡིན་པའི་ཕྱིར་དེ་བཞིན་ཉིད་ཅེས་བྱ་བའི་འདུས་མ་བྱས་ལོགས་པ་ནི་མེད་དོ། །ཞེས་གསུངས། སེར་སྨད་རྒྱལ་དབང་མཛོད་ལས། བདེན་བཞི་མི་རྟག་ལ་སོགས་རྣམ་པ་བཅུ་དྲུག་གི་ནང་ནས་འགོག་བདེན་གྱི་རྣམ་པ་བཞི་ནི་སོ་སོར་བརྟགས་འགོག་ཡིན་ལ། བདེན་པ་གཞན་གསུམ་གྱི་རྣམ་པ་རྣམས་ནི་འདུས་བྱས་སུ་བཤད་པས་སྟོང་བདག་མེད་གཉིས་ཀྱང་འདུས་བྱས་སུ་འདོད་ལ། ཞེས་གསུངས།
Domain	ཆོས་ལུགས།