98384

སྟོང་ར་ (1)

Part of speech	མིང་ཚིག
Definition	སྔགས། བླ་མེད། མ་དག་པའི་སྟོང་ར་གསལ་བཏབ་པ། དེ་དག་སྟོང་རར་སྦྱང་བའོ། །དང་པོ་ནི། རང་ལུས་སྟོང་གསལ་ཕྲུ་མ་ཕུས་བཏབ་པ་ལྟ་བུ་ཡན་ལག་དང་ཉིང་ལག་ཐམས་ཅད་སྟོང་སང་ངེར་ཡོད་པ་ཕྱི་ལ་ཀོ་བ་མེད་པ། ནང་ལ་རྒྱུ་མ་མེད་པ། བར་དུ་རུས་ཚིགས་མེད་པ་ཕྱི་གསལ་ནང་གསལ་སྟོང་སང་ངེར་ཡོད་པ། དེའི་ནང་དུ་རྩ་ཐམས་ཅད་གྲོ་སོག་གི་ཕུང་པོར་ཉི་མ་ཕོག་པ་བཞིན་དམར་སེར་ཧྲམ་མེར་གང་བར་བསྒོམ་སྟེ། དེའང་རང་གི་ལུས་འདི་དང་པོར་ཕ་ཡི་རྒྱུ་དང་མ་ཡི་རྐྱེན་གྱིས་བསྐྱེད་དེ་རྟེན་ཅིང་འབྲེལ་བར་འབྱུང་བ་ལས་བྱུང་བ་ཡིན་ཏེ། ཇི་སྐད་དུ། རྟེན་ཅིང་འབྲེལ་འབྱུང་མ་ཡིན་པའི། །ཆོས་འགའ་ཡོད་པ་མ་ཡིན་ཏེ། །དེ་བས་སྟོང་ཉིད་མ་ཡིན་པའི། །ཆོས་འགའ་ཡོད་པ་མ་ཡིན་ནོ། །ཞེས་གསུངས་པ་ལྟར་གདོད་ནས་གྲུབ་ཆོས་གང་ཡང་མེད་པས་ན། སྟོང་པ་ཉིད་ཀྱི་རང་བཞིན་དུ་ཤེས་པར་བྱའོ། །གཉིས་པ་ནི། དཔལ་ལྡན་འབའ་རོམ་པ་ཆེན་པོའི་ཞལ་ནས། སྐད་ཅིག་དྲན་རྫོགས་གཟུགས་སྐུ་འཆར་བའི་གནད། ཅེས་གསུངས་པ་བཞིན་མ་དག་པའི་སྟོང་ར་དེ་ཉིད་དག་པའི་སྟོང་རར་སྦྱང་དགོས་ཏེ། ཐོག་མར་བླ་མའི་རྣལ་འབྱོར་སྔོན་དུ་འགྲོ་བས་སྐད་ཅིག་གིས་འཁོར་ལོ་སྡོམ་པ་དཔའ་བོ་གཅིག་པའི་སྐུར་གསལ་བཏབ་ལ། དེ་ཡང་རྣམ་པར་གསལ་བ། ང་རྒྱལ་བརྟེན་པ། རྣམ་དག་དྲན་པ་སོགས་སྔོན་གྱི་བསྐྱེད་རིམ་སྐབས་ལྟར་གསལ་ཐེབས་ངེས་སུ་བྱ་ཞིང་སྐུ་ཆུང་བ་ཡུང་འབྲུ་ཙམ་དང་ཆེ་བ་འཇིག་རྟེན་གྱི་ཁམས་གང་བ་ཙམ་གྱི་ནང་སྟོང་པར་གསལ་བཏབ་ལ་སྦྱངས་ཏེ་དམིགས་པ་ཤིན་ཏུ་གསལ་དག་བརྟན་པོར་བསྒོམ་པར་བྱའོ། །
Domain	ཆོས་ལུགས།