98457

སྟོད་ལུང་ཁུལ་གྱི་དགེ་ལྡན་པའི་དགོན་སྡེ་བཅུ་བཞི་ (1)

Part of speech	མིང་ཚིག
Definition	༡ སྐྱོར་མོ་ལུང༌ནི། དགྲ་བཅོམ་པ་སྦལ་ཏིས་བཏབ། ཨང་དང་གྲྭ་པ་སུམ་བརྒྱ་སུམ་ཅུ་སོ་གཉིས། ༢ དགའ་བ་གདོང༌ནི། ཞིག་པོ་ཤེས་རབ་རྡོ་རྗེས་བཏབ། ཨང་དང་གྲྭ་བཙུན་བརྒྱད་ཅུ་སྐོར། ༣ སྟོད་ལུང་ཆུ་བཟང༌ནི། རྗེའི་དངོས་སློབ་ཤེར་འབྱུང་བློ་གྲོས་ཀྱིས་བཏབ། ཨང་དང་གྲྭ་པ་བརྒྱ་དང་བདུན་ཅུ་སྐོར། ༤ སྟོད་ལུང་ལམ་པ་ནི། དགེ་བའི་བཤེས་གཉེན་སྟོད་ལུང་པ་ཆེན་པོ་རིན་ཆེན་སྙིང་པོས་བཏབ། ཨང་དང་གྲྭ་པ་ཉིས་བརྒྱ་སྐོར། ༥ རྟའུ་རི་ནི། བླ་མ་དགེ་བདུན་འོད་ཟེར་རམ་དྲུང་པ་ཤེས་རབ་རྡོ་རྗེས་བཏབ། ཨང་གསུམ་གྲས་བཙུན་མ་ཉི་ཤུ་སྐོར། ༦ སྟོད་ལུང་སྡིངས་ཀ་ནི། གསང་ཕུའི་བླ་མ་ཡར་ཀླུངས་པ་གྲགས་པ་རྒྱལ་མཚན་གྱིས་བཏབ། ཨང་དང་གྲྭ་པ་བརྒྱ་དང་ལྔ་བཅུ་སྐོར། ༧ སྟོད་ལུང་ར་ཚག་ནི། བུ་སྟོན་ཆོས་འབྱུང་སོགས་སུ་ཀླུ་མེས་ཀྱི་སློབ་བུ་སྣ་ནམ་རྡོ་རྗེ་དབང་ཕྱུག་གིས་བཏབ་པར་བཤད། ཨང་གཉིས་གྲྭ་པ་སུམ་ཅུ་སྐོར། ༨ མཚོ་སྨད་ནི། ཀླུ་མེས་ཀྱིས་བཏབ། ཨང་དང་གྲྭ་པ་དྲུག་ཅུ་རེ་དྲུག་སྐོར། ༩ ཤུན་མར་ཁུ་སྤུས་ཀྱུ་ནི། རྗེ་ཙོང་ཁ་པའི་རྣམ་ཐར་དད་པའི་འཇུག་ངོགས་ལས། རྗེ་བླ་མ་འདི་ཉིད་ཀྱིས་དེའི་དགུན་སྐྱོར་མོ་ལུང་གི་བྲག་ལ་བཞུགས་ནས་སྡེ་སྣོད་འཛིན་པ་ཆེན་པོ་དུ་མ་ལ་དུས་འཁོར་དང་ཕར་ཚད་མངོན་པ་སོགས་མང་དུ་གསུངས། ཞེས་བཤད་པ་ལྟར་གྱི་བཞུགས་གནས་ཕུག་པ་ཞིག་ཡོད་པར་རིམ་བརྟེན་གྱིས་ཆགས། ཨང་གཉིས་བཙུན་མ་ལྔ་བཅུ་ང་དགུ་སྐོར། ༡༠ ཚེར་གསེབ་དགོན་ནི། ཐོག་མར་གསང་ཕུ་སེ་བ་ཅན་པ་ཡོན་ཏན་ཚུལ་ཁྲིམས་ཀྱིས་བཏབ། ཨང་དང་བཙུན་མ་བདུན་ཅུ་སྐོར། ༡༡ སྟོད་ལུང་སྤར་ཕུ་དགོན་ནི། འགྲོ་བའི་མགོན་པོ་ཕག་མོ་གྲུ་པའི་སྲས་ཀྱི་ཐུ་བོ་བཞིའི་ནང་ཚན་སྤར་ཕུ་བ་བློ་གྲོས་སེང་གེས་བཏབ། ཨང་དང་གྲྭ་པ་ལྔ་བཅུ་ང་ལྔ་སྐོར། ༡༢ རྨང་བཀྲ་ཤིས་ཆོས་སྡིངས་ནི། རྗེ་ཤེས་འབྱུང་བའི་སློབ་བུ་བླ་མ་ངག་དབང་བཟང་པོས་བཏབ། ཨང་གཉིས་བཙུན་མ་བཞི་བཅུ་ཞེ་དགུ་སྐོར། ༡༣ ཉན་ཆུ་བཟང་དགོན་ནི། བཀའ་གདམས་ཀྱི་བཤེས་གཉེན་ཉན་ཕུ་ཆུ་བས་བཏབ། ཨང་གཉིས་བཙུན་མ་ཉི་ཤུ་རྩ་གཉིས་སྐོར། ༡༤ ཐང་ཕུ་དགོན་ནི། བྱང་སེམས་བདེ་མོ་ཐང་པས་བཏབ། ཨང་གཉིས་གྲྭ་གྲངས་སུམ་ཅུ་སོ་གཉིས་སྐོར་བཅས་སོ། །
Domain	ལོ་རྒྱུས།