98520

སྟོན་པ་སངས་རྒྱས་པའི་དུས་ (1)

Part of speech	མིང་ཚིག
Definition	ཕུག་པ་ཞལ་ལུང་ལུགས་ལ་སྟོན་པ་མྱ་ངན་ལས་འདས་པའི་སྐབས་སུ་ནི་དགུང་ལོ་སོ་ལྔ་པ་ཕྱི་ལོ་གོང་གི་༩༢༧་སྟེ་མེ་མཁའ་རྒྱ་མཚོ་མ་ཚུགས་གོང་གི་དྲུག་ཅུ་སྐོར་ཉེར་དྲུག་པའི་ནང་གི་ཤིང་ཕོ་རྟ་ལོའི་དཔྱིད་ཟླ་ཐ་ཆུང་ས་ག་ཟླ་བའི་ཚེས་བཅོ་ལྔ་མཚན་གྱི་ཐུན་ཐ་མའི་ཆ་སྐྱ་རེངས་འཆར་བའི་ཚེ་སངས་རྒྱས་པར་འདོད་དེ། རྩིས་གཞུང་ཉིན་བྱེད་སྣང་བའི་རྣམ་འགྲེལ་གསེར་ཤིང་ལས། དེ་ལྟར་དྲག་པོའི་ལོ་ལ་འཁྲུངས་ནས་དགུང་ལོ་ཉེར་དགུ་པ་ཀུན་འཛིན་ཞེས་པ་ས་ཕོ་བྱི་བའི་ལོར་ཁྱིམ་ནས་བྱུང་སྟེ་ཆུ་བོ་ནཻ་རཉྫ་ནའི་འགྲམ་དུ་ལོ་དྲུག་ཏུ་དཀའ་བ་སྤྱད་ནས། དགུང་ལོ་སོ་ལྔ་པ་རྒྱལ་བ་ཞེས་པ་ཤིང་ཕོ་རྟའི་ལོ་དཔྱིད་ཟླ་ཐ་ཆུང་ས་གའི་ཉའི་མཚན་གྱི་ཐུན་ཐ་མའི་ཆ་སྐྱ་རེངས་འཆར་བའི་མཚམས་རྔ་བརྡུང་བར་རྩོམ་པ་ན་བླ་ན་མེད་པའི་བྱང་ཆུབ་བརྙེས་པ་ཡིན་ཏེ། མངོན་འབྱུང་དང་ལུང་བཞིའི་བམ་པོ་གྱ་གཉིས་པར། བྱང་ཆུབ་སེམས་དཔའ་ལོ་ཉི་ཤུ་རྩ་དགུ་བཞེས་ནས་ཁབ་ནས་བྱུང་ནས་ལོ་དྲུག་ཏུ་དཀའ་བ་སྤྱོད་པར་འགྱུར་ཏེ། དེ་ནས་བདུད་རྩི་རྟོགས་པར་འགྱུར་བ་མཐོང་ངོ་། །ཞེས་དང་། གཞུང་དམ་པའི་བམ་པོ་སོ་བདུན་པར། ཟླ་བ་གང་ལ་བཅོམ་ལྡན་འདས་ཀྱིས་བླ་ན་མེད་པའི་ཡེ་ཤེས་ཁོང་དུ་ཆུད། ཅེས་གསོལ་བ་དང་། བཅོམ་ལྡན་འདས་ཀྱིས་བཀའ་རྩལ་པ། ཁྱིམ་བདག་དཔྱིད་ཟླ་ཐ་ཆུང་ལའོ། །ཞེས་དང་། རྒྱ་རོལ་ལས། ནམ་གྱི་ཆ་སྨད་སྐྱ་རེངས་འཆར་བའི་དུས་ཀྱི་ཚེ་རྔ་བརྡུང་བའི་ནམ་ཚོད་ཙམ་ན། ཞེས་དང་། དབང་ལེའི་མདོར་བསྡུས་དང་པོ་ལས་ཀྱང་། ས་གའི་ཉའི་སྐྱ་རེངས་འཆར་པའི་ཚེ་བཅོམ་ལྡན་འདས་ཤཱཀྱ་ཐུབ་པ་མངོན་པར་རྫོགས་པར་སངས་རྒྱས་ཏེ། ཞེས་སོགས་གསུངས་པའི་ཕྱིར་རོ། །ཉ་དེའི་ཉིན་རྩིས་བྱས་པ་ན། གཟའ་གཅིག་དང་། ཆུ་ཚོད་སོ་བརྒྱད་ལ་སོགས་པ་འབྱུང་བའི་ཕྱིར་ན། འདུལ་བ་ལུང་གཞིའི་བམ་པོ་ལྔ་པ་ལས། བཅོམ་ལྡན་འདས་ཀྱིས་བླ་ན་མེད་པའི་ཡེ་ཤེས་བརྙེས་པ་ན་གྲགས་འཛིན་མ་ལ་ཡང་ཁྱེའུ་ཞིག་བཙས་སོ། །བདུད་རྩི་ཟས་ལ་ཡང་ཁྱེའུ་ཞིག་བཙས་སོ། །ཟླ་བ་ཡང་སྒྲ་གཅན་གྱིས་ཟིན་ཏོ། །ཞེས་དང་། གྲགས་འཛིན་མའི་བུའི་མིང་འདོགས་པར་བྱེད་དོ། །བཙུན་མོའི་འཁོར་གྱི་སྐྱེ་བོས་སྨྲས་པ། འདི་བཙས་པ་ན་ཟླ་བ་སྒྲ་གཅན་གྱིས་ཟིན་པས། དེ་བས་ན་ཁྱེའུའི་མིང་སྒྲ་གཅན་ཟིན་ཞེས་གདགས་སོ། །ཞེས་དང་། མངོན་པར་འབྱུང་བའི་མདོར་ཡང་། གཞོན་ནུས་བླ་ན་མེད་པའི་ཡེ་ཤེས་བརྙེས་སོ། །དེ་ཐོས་པ་དང་། ཉི་མ་དེ་ཉིད་ལ་གྲགས་འཛིན་མ་ལ་ཡང་ཁྱེའུ་ཞིག་བཙས་སོ། །བདུད་རྩི་ཟས་ཀྱི་ལའང་ཁྱེའུ་ཞིག་བཙས་སོ། །དེ་ཉིད་ཀྱི་ཉིན་མོ་ཟླ་བ་ཡང་སྒྲ་གཅན་གྱིས་ཟིན་ཏོ། །ཞེས་དེ་ཚེ་ཟླ་བ་སྒྲ་གཅན་གྱིས་བཟུང་བར་གསུངས་པ་ལྟར་སངས་རྒྱས་པའི་ཞག་ངོ་དེ་ལ་གཟའ་འཛིན་བྱུང་བས་ལུང་དོན་དེ་དག་དང་ཡང་ལེགས་པར་འབྱོར་བ་ཡིན་ནོ། །ཞེས་བྱུང་། །
Domain	རྩིས་རིག