9860

གཟུགས་མེད་ཀྱི་སྙོམས་འཇུག་ཐོབ་ཚུལ་ (1)

Part of speech	མིང་ཚིག
Definition	མདོ། མངོན་པ། ཐོབ་པའི་ཚུལ་ནི། བསམ་གཏན་བཞི་པ་ཐོབ་པའི་རྣལ་འབྱོར་པ་དེས་གཟུགས་ཀྱི་འདུ་ཤེས་ཏིང་ངེ་འཛིན་ཀྱི་སྐྱོན་དུ་མཐོང་ནས་ནམ་མཁའ་མཐའ་ཡས་ཀྱི་སྦྱོར་བས་དེ་སྤོང་བ་ལ་ཞུགས་ཏེ། སྤངས་པའི་ཚེ་ནམ་མཁའ་མཐའ་ཡས་སྐྱེ་མཆེད་ཀྱི་དངོས་གཞིའི་སྙོམས་འཇུག་དེ་ཐོབ་བོ། །དེའི་འོག་ཏུ་ནམ་མཁའི་འདུ་ཤེས་དང་། རྣམ་ཤེས་ཀྱི་འདུ་ཤེས་རགས་པ་དང་། ཅུང་ཟད་ཕྲ་བ་གསུམ་ཏིང་ངེ་འཛིན་གྱི་སྐྱོན་དུ་མཐོང་ནས་གཟུགས་མེད་ཀྱི་སྦྱོར་བ་ཕྱི་མ་གསུམ་གྱིས་དེ་གསུམ་རིམ་གྱིས་སྤོང་བ་ལ་ཞུགས་ཏེ། སྤངས་པའི་ཚེ་དངོས་གཞི་ཕྱི་མ་གསུམ་ཐོབ་བོ། །གསུམ་པ་ཐོབ་པའི་རྟགས་ནི། ཉན་ས་ལས། གཟུགས་མེད་ཀྱི་ཏིང་ངེ་འཛིན་སྐྱེས་པའི་ཚེ་ནམ་མཁའ་ལ་འཕུར་པ་ལྟ་བུའི་སྣང་བ་འབྱུང་བར་གསུངས་སོ་ཞེས་ཀུན་མཁྱེན་གོ་རམས་པའི་སྙོམས་འཇུག་རབ་གསལ་ལས་སོ། །
Domain	ཆོས་ལུགས།