98633

སྟོབས་ལྔ་ (1)

Part of speech	མིང་ཚིག
Definition	མདོ། མཚན་ཉིད། བདེན་པ་མངོན་པར་རྟོགས་པ་ལ་དབང་བྱེད་པའི་དབང་པོ་གང་ཞིག མི་མཐུན་ཕྱོགས་ཀྱིས་བརྫི་བར་མི་ནུས་པ། དབྱེ་ན། དད་པའི་སྟོབས། བརྩོན་འགྲུས་ཀྱི་སྟོབས། དྲན་པའི་སྟོབས། ཏིང་འཛིན་གྱི་སྟོབས། ཤེས་རབ་ཀྱི་སྟོབས། མཚན་ཉིད་རིམ་པ་བཞིན། དད་པའི་དབང་པོ་གང་ཞིག། མི་མཐུན་ཕྱོགས་ཀྱིས་བརྫི་བར་མི་ནུས་པ་ཞེས་སོགས་འགྲེའོ། །ས་མཚམས་ཉན་ཐོས་ཀྱི་སྦྱོར་ལམ་བཟོད་པ་ནས་སངས་རྒྱས་ཀྱི་སའི་བར་དུ་ཡོད་ཅིང། བཟོད་པ་དང་ཆོས་མཆོག་གཉིས་ཀྱི་སྐབས་སུ་ནི་མངོན་པར་རྟོགས་པ་དང་འབྲེལ་བའི་ལམ་དུ་འཇོག་གོ་ཞེས་ཀུན་མཁྱེན་གོ་རམས་པའི་སྦས་དོན་རབ་གསལ་ལས་སོ། ། སྦྱོར་ལམ་བཟོད་པའི་སྟོབས་རྣམ་པ་ལྔ་ནི། མངོན་པར་རྟོགས་པ་དང་འབྲེལ་བའི་ལམ་ཡིན་ཏེ། བཟོད་པ་དང་ཆོས་ཀྱི་མཆོག་གང་རུང་གི་ངོ་བོ་ཉིད་ཡིན་པའི་ཕྱིར། ཆོས་ཅན་བཤད་པ་ལ། ངོ་བོ་ནི། དད་པ་དང་བརྩོན་འགྲུས་དང་། དྲན་པ་དང་ཏིང་ངེ་འཛིན་དང་། ཤེས་རབ་སྟེ། མི་མཐུན་ཕྱོགས་ཀྱིས་རྫི་བར་མི་ནུས་པའི་ཕྱིར་སྟོབས་ཞེས་བྱའོ་ཞེས་ཀུན་མཁྱེན་རོང་སྟོན་གྱི་རྣམ་བཤད་ཚིག་དོན་རབ་གསལ་ལས་སོ། །
Domain	ཆོས་ལུགས།

སྟོབས་ལྔ་ (2)

Part of speech	མིང་ཚིག
Definition	འཕེན་པའི་སྟོབས། གོམས་པའི་སྟོབས། སུན་འབྱིན་པའི་སྟོབས། དཀར་པོ་ས་བོན་གྱི་སྟོབས། སྨོན་ལམ་གྱི་སྟོབས་ཏེ་བློ་སྦྱོང་དོན་བདུན་མའི་སྟོབས་ལྔ།