98845

སྡུག་བསྔལ་ (1)

Part of speech	མིང་ཚིག
Definition	ལུས་སེམས་མི་བདེ་བའི་དཀའ་ངལ་གྱིས་མནར་བའི་དོན།
Keyword	True
Example	སེམས་ཀྱི་སྡུག་བསྔལ་བསངས་པ། སྐྱེ་རྒ་ན་འཆིའི་སྡུག་བསྔལ་ལྟ་བུ།
Synonyms	དུཿཁ། ཁོང་ཆུད། ཡིད་འབྱུང་བ། དགའ་མེད་རླབས། ངན་མྱང་། ངལ་བ། དུབ་པ། གདུང་བ། བརྣག་དཀའ་བ། བྲོ་འཚལ་བ། ན་བ། མི་བཟད་པ། འཇིགས་པ་ལེན་པ། བརྣག་དཀའ་བ། ཟུག་རྔུ། མྱ་ངན། ཟུག་གཟེར། གཟིར་བ། མནར་བ། སུན་པ། སེམས་ཁྲལ། སེམས་སྡུག སྐྱོ་བ། སེམས་གཡེང་བ། ལྡོག་ཚིག བདེ་བ།

སྡུག་བསྔལ་ (2)

Part of speech	མིང་ཚིག
Definition	སྡུག་བསྔལ་གསུམ་པོ་ཅི་རིགས་ཀྱིས་སྡུག་བསྔལ་བ་སྟེ། ཟག་བཅས་ཐམས་ཅད་སྡུག་བསྔལ་ལོ་ཞེས་པའི་སྡུག་བསྔལ་ལྟ་བུ་སྟེ། སེར་སྨད་རྒྱལ་དབང་མཛོད་ལས། ཟག་བཅས་ཐམས་ཅད་སྡུག་བསྔལ་བར་གསུངས་པ་དང་། འཁོར་བ་ན་བདེ་བ་མེད་པར་གསུངས་པ་སོགས་ནི། སྡུག་བསྔལ་གསུམ་པོ་ཅི་རིགས་པས་སྡུག་བསྔལ་བ་ལ་དགོངས་པ་ལས་ཚོར་བ་སྡུག་བསྔལ་ལ་དགོངས་པ་མ་ཡིན་པའི་ཕྱིར་དང༌། རྩོད་པའི་སྐབས་སུ། སྡུག་བསྔལ་གསུམ་པོ་གང་རུང་ཡིན་ན་སྡུག་བསྔལ་ཡིན་པས་ཁྱབ་པ་ཡང་ཁས་ལེན་མི་རིགས་པའི་ཕྱིར། །ཞེས་དང་། དེས་ན་རང་ཅག་རྣམས་ཀྱིས་འཁོར་བ་སྤྱི་བྱེ་བྲག་གི་སྡུག་བསྔལ་སོགས་བསམ་པའི་ཚེ། འཁོར་བ་པའི་གང་ཟག་རྣམས་འགའ་ཞིག་དངོས་སུ་སྡུག་བསྔལ་ལ་སྤྱོད། འགའ་ཞིག་བརྒྱུད་ནས་སྡུག་བསྔལ་ལ་སྤྱོད་ཚུལ་སོགས་དང༌། འཁོར་བའི་བདེ་བ་ཇི་ཙམ་ཆེ་ཡང་མཐར་སྡུག་བསྔལ་དུ་འགྱུར་བས་རྟག་མི་ཐུབ་ཅིང་སྙིང་པོ་མེད་ཚུལ་སོགས་བསམ་དགོས་པ་ཡིན་མོད་ཀྱང༌། རྩོད་པའི་ཚེ། འཁོར་བའི་བདེ་བ་མཐའ་དག་སྡུག་བསྔལ་དུ་ཁས་བླངས་ན་འཇོག་མཚམས་དཀའ་བར་འོང་ཞིང༌། ཡང༌། རྩོད་པའི་རིགས་པ་ལ་བསམ་ནས་འཁོར་བ་ན་བདེ་བ་ངེས་པར་ཡོད་འདུག་སྙམ་ཆགས་པར་ཡང་བྱེད་མི་རིགས་སོ། །ཞེས་འཕྲོས་བཤད་ཀྱི་ཚུལ་དུ་གླེངས་སོ། །ཞེས་གསུངས།
Domain	ཆོས་ལུགས།

སྡུག་བསྔལ་ (3)

Part of speech	མིང་ཚིག
Definition	འབྲས་བུ་ཡིད་དུ་མི་འོང་བ་སྟེ། རྒྱལ་དབང་མཛོད་ལས། དེ་བཞིན་དུ་རྒྱུ་མི་དགེ་བ་བྱས་པ་ལས་འབྲས་བུ་སྡུག་བསྔལ་འབྱུང་ཞེས་པའི་སྡུག་བསྔལ་ལ་ཡང་སྡུག་བསྔལ་མཚན་ཉིད་པས་མ་ཁྱབ་སྟེ། དེ་ལ་ཡང་རྒྱུ་མི་དགེ་བ་སྔོན་སོང་གི་འབྲས་བུར་འགྱུར་པའི་རྣམ་སྨིན་རྒྱུ་མཐུན་བདག་འབྲས་གསུམ་ཆར་འཇོག་ཆོག་པའི་ཕྱིར་རོ། །ཞེས་གསུངས།

སྡུག་བསྔལ་ (4)

Part of speech	མིང་ཚིག
Definition	སྡུག་བསྔལ་བདེན་པའི་ཚིག་བསྡུས་སོ། །

སྡུག་བསྔལ་ (5)

Part of speech	མིང་ཚིག
Definition	འདུ་བྱེད་སྡུག་བསྔལ་གྱི་ཚིག་བསྡུས་སོ། །