From Rangjung Yeshe Wiki - Dharma Dictionary
Jump to navigation
Jump to search
སྡུག་བསྔལ་ཉིད་རྣམ་པ་གསུམ་ (1)
| Part of speech
|
མིང་ཚིག
|
| Definition
|
དབུས་མཐའ་རྣམ་འབྱེད་ཀྱི་འགྲེལ་པ་ལས་བྱུང་བ་སྟེ། ཉེ་བར་ལེན་པས་སྡུག་བསྔལ་ཉིད། མཚན་ཉིད་ཀྱིས་སྡུག་བསྔལ་ཉིད། འབྲེལ་པས་སྡུག་བསྔལ་ཉིད་དོ། །
|
| Domain
|
ཆོས་ལུགས།
|
སྡུག་བསྔལ་ཉིད་རྣམ་པ་གསུམ་ (2)
| Part of speech
|
མིང་ཚིག
|
| Definition
|
རྣལ་འབྱོར་སྤྱོད་པའི་ས་རྣམ་པར་གཏན་ལ་དབབ་པ་བསྡུ་བ་ལས་བྱུང་བ་སྟེ། སྡུག་བསྔལ་གྱི་སྡུག་བསྔལ་ཉིད། འདུ་བྱེད་ཀྱི་སྡུག་བསྔལ་ཉིད། འགྱུར་བའི་སྡུག་བསྔལ་ཉིད་དོ། །
|
སྡུག་བསྔལ་ཉིད་རྣམ་པ་གསུམ་ (3)
| Part of speech
|
མིང་ཚིག
|
| Definition
|
རྣམ་པར་བཤད་པ་རིགས་པའི་བཤད་པ་ལས་བྱུང་བ་སྟེ། ༡ སྡུག་བསྔལ་གྱི་སྡུག་བསྔལ་ནི། འདུ་བྱེད་རྣམས་ཀྱི་རང་གི་མཚན་ཉིད་མི་མཐུན་པ་ཉིད་ཀྱིས་སྡུག་བསྔལ་གྱི་སྡུག་བསྔལ་ཉིད་ནི་སྡུག་བསྔལ་ཡིན་པས་ན་སྡུག་བསྔལ་གྱི་སྡུག་བསྔལ་ཏེ། བསྐ་བའི་བསྐ་བ་བཞིན་ནོ། །༢ འདུ་བྱེད་ཀྱི་སྡུག་བསྔལ་ཉིད་ནི། སྤྱིའི་མཚན་ཉིད་འབྱུང་བ་དང་འཇིག་པ་མི་མཐུན་པ་ཉིད་ནི་སྤྱིའི་མཚན་ཉིད་འབྱུང་བ་དང་འཇིག་པ་མི་མཐུན་པ་ཉིད་དེ། དེ་ནི་སྤྱིའི་མཚན་ཉིད་འབྱུང་བ་དང་འཇིག་པ་མི་མཐུན་པ་ཉིད་ཀྱིས་འདུ་བྱེད་ཀྱི་སྡུག་བསྔལ་ཉིད་དེ། འདུ་བྱེད་སྡུག་བསྔལ་ཡིན་པས་ན་འདུ་བྱེད་ཀྱི་སྡུག་བསྔལ་ལོ། །དེའི་དངོས་པོ་ནི་འདུ་བྱེད་ཀྱི་སྡུག་བསྔལ་ཉིད་ཡིན་ནོ། །༣ འགྱུར་བའི་སྡུག་བསྔལ་ནི། དེ་བཞིན་དུ་གཞན་དུ་གྱུར་པའི་མཚན་ཉིད་མི་མཐུན་པ་ཉིད་ཀྱིས་འགྱུར་བའི་སྡུག་བསྔལ་ཉིད་དེ། འགྱུར་བ་ཉིད་སྡུག་བསྔལ་ཡིན་པས་ན་འགྱུར་བའི་སྡུག་བསྔལ་ཉིད་ཡིན་ནོ། །
|