99017

སྡེ་སྣོད་གསུམ་བསྟན་པའི་དགོས་པ་ (1)

Part of speech	མིང་ཚིག
Definition	རྒྱུ་དགུས་གཞག་སྟེ། དེ་ལ་གསུམ་ཚན་གསུམ་ལས། ༡.ཉོན་མོངས་པ་གསུམ་སྤང་བའི་ཆེད་དུ་བསྟན་པ་ནི་ལས་འབྲས་ལ་སོགས་པ་ལ་ཐེ་ཚོམ་ཟ་བའི་གཉེན་པོར་ནི་མདོ་སྡེའི་སྡེ་སྣོད་བསྟན་ཏེ། གང་ཞིག་གང་ལ་ཐེ་ཚོམ་ཟ་བ་དེ་དེ་ལ་ངེས་པར་བྱ་བའི་ཆེད་དུ་གསུངས་པའི་ཕྱིར་རོ། སྤྱོད་པ་མཐའ་གཉིས་ལ་སྦྱོར་བའི་གཉེན་པོར་ནི་འདུལ་བའི་སྡེ་སྣོད་བསྟན་ཏེ། འདོད་ཡོན་ལ་ཆགས་པས་གསོག་འཇོག་བྱེད་པ་ལ་སོགས་པ་ཁ་ན་མ་ཐོ་བ་དང་བཅས་པ་རབ་ཏུ་བྱུང་བ་ལ་ཡོངས་སུ་དཔྱད་པ་དགག་པའི་སྒོ་ནས་འདོད་པ་བསོད་ཉམས་ཀྱི་མཐའ་སྤོང་ལ། བརྒྱ་སྟོང་རི་བའི་གོས་དང་ཁང་བཟང་དང་ཁ་ཟས་རོ་བརྒྱ་པ་ལ་སོགས་པ་ཁ་ན་མ་ཐོ་བ་མེད་པའི་ཡོངས་སུ་སྤྱད་པ་རྗེས་སུ་གནང་བའི་སྒོ་ནས་དོན་མེད་པའི་དཀའ་ཐུབ་བདག་ཉིད་དུབ་པ་ལ་སྦྱོར་བའི་མཐའ་སྤོང་བའི་ཕྱིར་རོ། །རང་གི་ལྟ་བ་མཆོག་ཏུ་འཛིན་པའི་གཉེན་པོར་ནི་མངོན་པའི་སྡེ་སྣོད་བསྟན་ཏེ། ཆོས་རྣམས་ཀྱི་རང་སྤྱིའི་མཚན་ཉིད་ཕྱིན་ཅི་མ་ལོག་པར་བསྟན་པས་ལྟ་བ་ངན་པ་རྣམས་སྤོང་བའི་ཕྱིར་རོ། ། ༢. བསླབ་པ་གསུམ་སྟོན་ཅིང་སྒྲུབ་པའི་དབང་དུ་བྱས་ཏེ་བསྟན་པ་ནི་མདོ་སྡེས་ནི་བསླབ་པ་གསུམ་གྱི་ངོ་བོ་རྒྱས་པར་སྟོན་ལ། འདུལ་བས་ནི་བསླབ་པ་དང་པོ་གཉིས་སྒྲུབ་པ་ཡིན་ཏེ། ལྷག་པའི་ཚུལ་ཁྲིམས་མ་ཐོབ་པ་ཐོབ་པར་བྱེད་པ་དང་། ཐོབ་པ་མི་ཉམས་པར་བསྲུང་བ་དང་། ཉམས་ན་ཕྱིར་བཅོས་པའི་སྒོ་ནས་ཚུལ་ཁྲིམས་ཀྱི་བསླབ་པ་སྒྲུབ་ལ། ཚུལ་ཁྲིམས་དང་ལྡན་པ་ནི་འགྱོད་པ་མེད་ཅིང་། འགྱོད་པ་མེད་པས་ནི་སེམས་ལས་སུ་རུང་ལ། དེ་ལ་བརྟེན་ནས་དམིགས་པ་ལ་མཉམ་པར་བཞག་པའི་རིམ་གྱིས་ཏིང་ངེ་འཛིན་འཐོབ་པས་ལྷག་པའི་སེམས་ཀྱི་བསླབ་པ་སྒྲུབ་པའི་ཕྱིར་རོ། །ཆོས་མངོན་པས་ནི་ལྷག་པའི་ཤེས་རབ་ཀྱི་བསླབ་པ་སྒྲུབ་པ་ཡིན་ཏེ། དེས་མི་རྟོག་པའི་ཡེ་ཤེས་སྐྱེ་བའི་ཐབས་བསྟན་པ་ལ་བརྟེན་ནས་ཐོས་བསམ་བྱས་ཏེ་བསྒོམས་པས་འཇིག་རྟེན་དང་དེ་ལས་འདས་པའི་སྒོམ་བྱུང་གིས་ཤེས་བྱའི་དོན་ཕྱིན་ཅི་མ་ལོག་པར་རབ་ཏུ་འབྱེད་པའི་ཕྱིར་རོ། ། ༣. ཆོས་དང་དོན་གྱི་དབང་དུ་བྱས་ཏེ་བསྟན་པ་ནི་མདོ་སྡེས་ནི་རྗོད་བྱེད་སྒྲའི་ཆོས་དང་བརྗོད་བྱ་དོན་གྱི་ཆོས་ལ་བྱང་བར་བྱེད་པས་ན་དེ་གཉིས་བཤད་ལ། འདུལ་བས་ནི་ཆོས་དང་དོན་འགྲུབ་སྟེ། ཚུལ་ཁྲིམས་དང་ལྡན་པ་ལ་བརྟེན་ནས་ཉོན་མོངས་པ་འདུལ་བ་ལ་རབ་ཏུ་བརྩོན་པས་མཉམ་པར་བཞག་ན་ཆོས་དང་དོན་མངོན་སུམ་དུ་རྟོགས་པར་འགྱུར་བའི་ཕྱིར་རོ། །ཆོས་མངོན་པས་ནི་ཆོས་དང་དོན་འབེལ་བའི་གཏམ་རྣམ་པར་གཏན་ལ་དབབ་པ་ལ་མཁས་པར་བྱེད་དེ། དེས་ཤེས་བྱའི་ཆོས་ཀྱི་རང་སྤྱིའི་མཚན་ཉིད་ཕྱིན་ཅི་མ་ལོག་པར་ཤེས་པས་ཚིག་དོན་གཏན་ལ་འབེབས་པ་ལ་མི་འཇིགས་པ་ཐོབ་པས་བདེ་བ་ལ་རེག་པར་གནས་པ་འཐོབ་པའི་ཕྱིར་རོ། །
Domain	ཆོས་ལུགས།

{{#arraymap:སྡེ་སྣོད་གསུམ་བསྟན་པའི་དགོས་པ་

|; |@@@ | | }}