99027

སྡེ་སྲིད་ཀྱི་བཻ་དཀར་ལས་བྱུང་བའི་གནམ་གཤིས་བརྟག་ཐབས་བཅུ་གཅིག་ (1)

Part of speech	མིང་ཚིག
Definition	༡ དེ་ནས་བྱ་ཞག་བརྩི་བ་ནི། དགུན་ཉི་ལྡོག་ནས་ཞག་གི་གྲངས། །ཉི་ཤུ་རྩ་བཞིའི་ཐོག་ནས་ནི། །བྱ་མ་ལ་ཟིན་ཞག་དྲུག་བར། །ནམ་མཁའ་གཡེར་ནས་སྔ་སད་འོང་། །༢ དེ་ནས་གཤོག་ཟུར་ཞག་དྲུག་ལ། །རླུང་དང་ཁ་ཆར་བབས་པ་ན། །དབྱར་སྨད་ཆར་ཞོད་ཆེ་བ་འོང་། །༣ དེ་ནས་ཞག་གསུམ་དཔུང་པ་ལ། །ཁ་ཆར་མ་བྱུང་ཐན་པ་འོང་། །༤ དེ་ནས་ཞག་བདུན་མཇིང་ཁུང་ལ། །ཁ་བབས་མཇིང་མནན་འབྲུ་འོངས་མེད། །༥ དེ་ནས་ཞག་གསུམ་ཁ་གདོང་ལ། །ཁ་ཆར་བྱུང་ན་ཐན་པ་མེད། །༦ དེ་ནས་ཞག་ལྔ་གཤོག་རྩེ་ལ། །ནམ་མཁའ་དྭངས་ཤིང་རླུང་པོ་ཉིད། །ངར་བ་བྱུང་ན་སད་སེར་མེད། །ཆར་ཀྱང་སྙོམས་པར་འབབ་པ་ཡིན། །དེ་ལྟས་གནམ་བྱའི་སུམ་ཅུ་རྫོགས། །དེ་ནུབ་ཁ་བ་བབས་པ་ན། །ལྷ་བྱར་གསེར་སྒོང་སྐྱེས་ཞེས་ཏེ། །བོད་ལ་ལོ་ཕྱུགས་ལེགས་ལྟས་ཡིན། །༧ དེ་ནས་ཞག་བཅུར་བྱ་བུ་སླེབ། །སོ་གཉིས་བར་དུ་དྲོ་བ་དགོས། །གྲང་ན་དཔྱིད་འཁྱགས་འབྱུང་བའི་ལྟས། །༨ དེ་ནས་ཁྲུམས་ལ་ཞག་བཅུ་གཉིས། །བྱ་ཁྲུམས་གོམ་པ་ཡུར་ལ་སག ། ཁྲུམས་ཞག་གྲང་པོ་བྱུང་གྱུར་ན། །ཡུར་མའི་བར་དུ་གྲང་བ་འབྱུང་། །༩ དེ་ནས་ཤོལ་པོ་ཟླ་བ་ཕྱེད། །བར་ལ་ཁ་བ་བབས་པ་དང་། །ཤོལ་པོ་གྲང་པོར་གྱུར་པ་ན། །སྔར་གྱི་དྲུག་ཚད་འཕྱུགས་པའོ། །ངེས་པ་མེད་པའི་བརྡ་རུ་སྦྱོར། །༡༠ དེ་ནས་སྐྱུང་མོ་ཞག་པོ་དགུ། །དེ་ལ་ཁ་ཆར་བབས་སྲིད་ན། །སྐྱུང་མོའི་ཁོང་ཁྲོ་ཤོར་ཞེས་ཏེ། །སོས་ཀ་ཐན་པ་འོང་བར་ངེས། །༡༡ དེ་ནས་ཤེ་མོ་ཞག་པོ་བདུན། །དེ་ལ་ཁ་ཆར་བབས་སྲིད་ན། །གུང་ཐན་འོང་བར་ཐེ་མི་ཚོམ། །དབྱར་དགུན་བརྟག་པ་སྦྱར་བ་རུ། །བཏུབ་བམ་མི་བཏུབ་འདི་ལྟར་ཡིན། །སྐྱུང་མོའི་ཁོང་ཁྲག་ཤོར་མ་ཤོར། །བྱ་མོས་སྐྱུགས་སམ་མ་སྐྱུགས་པ། །སྲིན་མོའི་གདོང་ཆར་འབབ་མི་འབབ། །གཞུང་མོའི་སྙིང་ཁོང་རུལ་མ་རུལ། །སྙན་གྱི་སྙིང་ཁོང་ཚུགས་མ་ཚུགས། །དེ་ཡི་ངོས་འཛིན་སྐྱུང་མོ་ནི། །བྱ་མོ་གཞུང་མོའི་སྙན་གྱི་ངོ་། །དྲོ་དང་སྲིན་མོའི་གདོང་ཆར་བབས། །དེ་ཚེ་དབྱར་དགུན་སྡེབ་ཏུ་བཏུབ། །དེ་ལས་ལྡོག་ན་མ་ཡིན་ནོ། །
Domain	རྩིས་རིག

{{#arraymap:སྡེ་སྲིད་ཀྱི་བཻ་དཀར་ལས་བྱུང་བའི་གནམ་གཤིས་བརྟག་ཐབས་བཅུ་གཅིག་

|; |@@@ | | }}