9930

གཟུགས་མེད་སྙོམས་འཇུག་དག་པ་བ་དང་ཟག་མེད་ཀྱི་དམིགས་རྣམ་ (1)

Part of speech	མིང་ཚིག
Definition	མངོན་པ། གཟུགས་མེད་སྙོམས་འཇུག་དག་པ་བ་དང་། ཟག་མེད་ཀྱིས་རང་ས་དང་གོང་ས་གཉིས་ལ་དམིགས་པ་ཡོད་ཅིང་། འོག་སའི་ཟག་བཅས་ལ་དམིགས་པ་མེད་དེ། འོག་སའི་ཟག་བཅས་དེ་མ་ཞི་བ་ཡིན་པའི་ཕྱིར་དང་། གཟུགས་མེད་ཀྱི་དངོས་གཞི་རྣམས་འོག་ས་ལས་དམིགས་པའི་སྒོ་ནས་འདའ་བ་ཡིན་པའི་ཕྱིར་ཏེ། མཛོད་ལས། གཟུགས་མེད་དངོས་གཞི་དགེ་རྣམས་ཀྱི། །སྤྱོད་ཡུལ་ཟག་བཅས་འོག་མ་མིན། །ཞེས་གསུངས་པའི་ཕྱིར། འོག་སའི་ཟག་བཅས་ལ་མི་དམིགས་པར་གསུངས་པའི་ཤུགས་ལ་འོག་སའི་ཟག་མེད་ལ་དམིགས་པ་ཡོད་པར་བསྟན་ཏེ། སྲིད་རྩེའི་རྟེན་ཅན་གྱི་ཕྱིར་མི་འོང་གི་ཅི་ཡང་མེད་ཀྱི་ཟག་མེད་ཀྱི་སྙོམས་འཇུག་སྒོམ་པའི་ཚེ་སྲིད་རྩེའི་སེམས་དེས་འདི་བསྒོམ་པར་བྱའོ་སྙམ་དུ་དམིགས་དགོས་པའི་ཕྱིར། གཟུགས་མེད་ཀྱི་དངོས་གཞི་དགེ་བ་རྣམས་ཀྱི་འོག་སའི་ཟག་བཅས་ལ་མི་དམིགས་པར་བསྟན་པའི་ཤུགས་ལ་གཟུགས་མེད་ཀྱི་ཉེར་བསྡོགས་རྣམས་ཀྱིས་འོག་སའི་ཟག་བཅས་ལ་དམིགས་པར་བསྟན་ཏེ། གང་སྤེལ་ལས། ནམ་མཁའ་མཐའ་ཡས་སྐྱེ་མཆེད་ཀྱི་བར་ཆད་མེད་པའི་ལམ་རྣམས་ཀྱི་དམིགས་པ་བསམ་གཏན་བཞི་པ་ཡིན་ལ། སྲིད་རྩེའི་ཉེར་བསྡོགས་བར་ཆད་མེད་པའི་ལམ་རྣམས་ཀྱི་དམིགས་པ་ནི་ཅི་ཡང་མེད་པའི་སྐྱེ་མཆེད་ཡིན་པའི་བར་དུའོ་ཞེས་དང་། ཉན་ས་ལས། ཇི་སྲིད་དངོས་གཞི་ལ་སྙོམས་པར་མི་འཇུག་པའི་བར་དུ་ནི་ཞེས་སོགས་སྔར་བཤད་པ་ལྟར་རོ་ཞེས་ཀུན་མཁྱེན་གོ་རམས་པའི་སྙོམས་འཇུག་རབ་གསལ་ལས་སོ། །
Domain	ཆོས་ལུགས།

{{#arraymap:གཟུགས་མེད་སྙོམས་འཇུག་དག་པ་བ་དང་ཟག་མེད་ཀྱི་དམིགས་རྣམ་

|; |@@@ | | }}