99479

སྣང་བ་བཞི་ (1)

Part of speech	མིང་ཚིག
Definition	མ་ཧཱ་ཡོ་ག རྙིང་མ། སྣང་བ་བཞི་ནི། རང་བཞིན་གྱི་སྣང་བ་དང། གདུལ་བྱའི་སྣང་བ་དང། དེ་བཞིན་གཤེགས་པའི་སྣང་བ་དང་། འཁྲུལ་བའི་སྣང་བ་སྟེ། སྤར་ཁབ་ལས། རང་རིག་པ་ཐམས་ཅད་དུ་རྩལ་མ་འགགས་པ་ནི་རང་བཞིན་གྱི་སྣང་བ་སྟེ། ཐམས་ཅད་དུ་འབྲེལ་ཅིང་ཐམས་ཅད་ཚང་བའི་ཕྱིར། རང་བཞིན་གྱི་རྒྱུད་དུ་གསུངས་ལ། དེ་ངེས་པར་སྟོན་པ་ཡང་། བློའི་རིམ་པ་བྱེ་བྲག་ཏུ་སྣང་བ་རྣམས་ནི་གདུལ་བྱའི་སྣང་བ་སྟེ། རྗེས་སུ་མཐུན་ཅིང་ཐམས་ཅད་དུ་འགྲོ་བའི་ཕྱིར་ལམ་གྱི་རྒྱུད་དོ། །དེས་མཐར་ཐུག་པ་ནི་བྲལ་བ་དང་ཐོབ་པ་མེད་པའི་ངོ་བོ་ཉིད་དུ་ལྷུན་གྱིས་གྲུབ་པས་ཐམས་ཅད་རྫོགས་པ་ནི་དེ་བཞིན་གཤེགས་པའི་སྣང་བ་སྟེ། རྗེས་སུ་སྙེགས་པའི་ཕྱིར་འབྲས་བུའི་རྒྱུད་དེ། དེ་དག་ངོ་བོ་གཅིག་པ་ལ། རིམ་པར་སྣང་བ་ནི་ཀུན་ཏུ་བརྟགས་པ་སྣ་ཚོགས་ཀྱིས་བསྒྲིབས་པ་དང་། སངས་པ་དང་ཕྱེ་བ་གང་ཡིན་པ་ནི། འཁྲུལ་པའི་སྣང་བར་གསུངས་པའི་ཕྱིར་ཞོར་ལ་བཤད་པས་བཞིར་ཕྱེ་བར་འགྱུར་རོ། །ཞེས་གསུངས།
Domain	ཆོས་ལུགས།

{{#arraymap:སྣང་བ་བཞི་

|; |@@@ | | }}

སྣང་བ་བཞི་ (2)

Part of speech

མིང་ཚིག

Definition

རྫོགས་ཆེན། རྙིང་མ། ཆོས་ཉིད་མངོན་སུམ་གྱི་སྣང་བ་དང་། ཉམས་གོང་དུ་འཕེལ་བའི་སྣང་བ་དང་། རིག་པ་ཚད་ཕེབས་ཀྱི་སྣང་བ་དང་། ཆོས་ཉིད་ཟད་པའི་སྣང་བ་སྟེ། ཕྱོགས་བཅུའི་མུན་སེལ་ལས། འདིར་སྣང་བ་བཞི་མཐར་ཕྱིན་པའི་སྐབས་ཡིན་ཏེ། འོད་གསལ་བའི་ཡེ་ཤེས་དུ་བ་ལ་སོགས་པ་དང་པོར་མཐོང་དུས་ཆོས་ཉིད་མངོན་སུམ་གྱི་སྣང་བའོ། །དེ་ཉིད་གོང་ནས་གོང་དུ་མཆེད་པ་ལས་ཕྱི་ནང་གི་རྟགས་མཐོང་བ་ནི་ཉམས་གོང་དུ་འཕེལ་བའི་སྣང་བའོ། །དེ་ནས་སངས་རྒྱས་ལོངས་སྐུའི་ཞིང་མཐོང་བ་ནི་རིག་པ་ཚད་ཕེབས་ཀྱི་སྣང་བའོ། །དེ་ནས་དེ་ཡང་ནང་དུ་ཞི་བས་འཛིན་པ་མེད་པ་ནི་ཆོས་ཉིད་ཟད་པའི་སྣང་བའོ། །ཞེས་གསུངས་སོ། །

{{#arraymap:སྣང་བ་བཞི་

|; |@@@ | | }}